نئی دہلی، 24 دسمبر (ہ س)۔

بھارتیہ جنتا پارٹی (بی جے پی) نے ممبئی میونسپل کارپوریشن انتخابات سے قبل شیوسینا (متحدہ) اور مہاراشٹر نونرمان سینا (ایم این ایس) کے درمیان اتحاد کو شکست کے خوف کا نتیجہ قرار دیا ہے۔ پارٹی نے کہا کہ دو خاندانی جماعتوں کا اکٹھا ہونا اس بات کا واضح اشارہ ہے کہ انہیں آئندہ انتخابات میں شکست کا خوف ہے۔

بی جے پی کے ترجمان پردیپ بھنڈاری نے بدھ کو یہاں ایک پریس کانفرنس میں کہا کہ ممبئی میں ترقی کی ایک مضبوط لہر چل رہی ہے اور عوام این ڈی اے اور بی جے پی کے ترقیاتی ایجنڈے کی حمایت کر رہے ہیں۔ انہوں نے دعویٰ کیا کہ یہی وجہ ہے کہ خاندانی جماعتوں نے اپنی سیاسی بنیاد کو بچانے کے لیے اتحاد کا سہارا لیا ہے۔ بھنڈاری کے مطابق، ممبئی کے لوگ شفافیت، مستحکم حکمرانی اور ترقی کو ترجیح دینے جا رہے ہیں۔

بی جے پی کے ترجمان نے کہا کہ جہاں ترقی کے حق میں ممبئی میں مثبت ماحول ہے، مغربی بنگال میں صورتحال تشویشناک ہے۔ انہوں نے الزام لگایا کہ ترنمول کانگریس کی حکومت میں جمہوری احتجاج کو سہولت فراہم کرنے کے بجائے پولیس کے ذریعہ ہندوو¿ں پر لاٹھی چارج کیا جارہا ہے۔ بھنڈاری نے کہا کہ منظر عام پر آنے والی تصاویر اور ویڈیوز سے ملک بھر میں غم و غصہ پیدا ہو رہا ہے اور یہ جمہوری اقدار کے خلاف ہیں۔

انہوں نے اپوزیشن جماعتوں پر ہندوو¿ں کے خلاف تشدد کے حوالے سے دوہرا معیار اپنانے کا الزام لگایا۔ بھنڈاری نے کہا کہ ممتا بنرجی اور راہل گاندھی سمیت کئی اپوزیشن لیڈر غزہ کے واقعات پر آواز اٹھاتے رہے ہیں لیکن جب ہندوو¿ں کے خلاف مبینہ بربریت کی بات آتی ہے تو وہ خاموش رہتے ہیں۔ ان کے مطابق یہ منتخب حساسیت افسوس ناک ہے۔

بی جے پی کے ترجمان نے کہا کہ اس وقت پوری اپوزیشن کو حکومت کے ساتھ کھڑا ہونا چاہئے کیونکہ یہ مسئلہ سیاست سے بالاتر ہے اور انسانیت سے متعلق ہے۔ انہوں نے الزام لگایا کہ اپوزیشن خوشامد کی سیاست کو ترجیح دے رہی ہے۔ بھنڈاری نے مطالبہ کیا کہ مغربی بنگال حکومت ہندوو¿ں کو پرامن احتجاج کا جمہوری حق دے اور ان کے خلاف طاقت کا استعمال بند کرے۔

انہوں نے خبردار کیا کہ اگر یہ ناانصافی جاری رہی تو بی جے پی مغربی بنگال کے ہر بنگالی ہندو کے ساتھ مضبوطی سے کھڑی ہوگی۔

ہندوستھان سماچار

ہندوستان سماچار / عطاءاللہ