24 دسمبر 1924 کو پیدا ہونے والے محمد رفیع بھارتی فلمی موسیقی کے سنہری دور کے عظیم ترین پلے بیک گلوکار تھے، جن کی آواز نے جذبات کو ہمیشہ کے لیے امر کر دیا۔ ان کی گائیکی میں درد، محبت، خوشی، عقیدت اور حب الوطنی—ہر جذبہ فطری انداز میں ڈھل جاتا تھا۔ یہی وجہ ہے کہ وہ دہائیوں تک ہندی سنیما کی سب سے معتبر اور مقبول آواز بنے رہے۔ اپنی سادگی، نظم و ضبط اور سروں کی پاکیزگی کی بدولت محمد رفیع نہ صرف ایک عظیم گلوکار تھے بلکہ بھارتی موسیقی کی روح بن کر ہمیشہ زندہ رہیں گے۔

اہم تاریخی واقعات

1524– یورپ سے بھارت تک سمندری راستہ دریافت کرنے والے پرتگالی مہم جو واسکو ڈی گاما کا کوچی (بھارت) میں انتقال۔

1889 – بھارت کا پہلا تفریحی پارک ایسَل ورلڈ ممبئی میں کھولا گیا۔

1894 – کلکتہ میں پہلی میڈیکل کانفرنس کا انعقاد۔

1921 – نوبیل انعام یافتہ رابندر ناتھ ٹیگور نے وشو بھارتی یونیورسٹی قائم کی۔

1986 – لوٹس ٹیمپل عام عقیدت مندوں کے لیے کھولا گیا۔

2000 – وشواناتھن آنند عالمی شطرنج چیمپئن بنے۔

2000 – صارفین کے تحفظ کا ایکٹ 1986 کی منظوری کی یاد میں اس دن کو ’’صارفین کا قومی دن‘‘ منانے کا اعلان۔

2002 – دہلی میٹرو کا افتتاح شاہدرہ–تیس ہزاری لائن سے ہوا۔

2014– سابق وزیر اعظم اٹل بہاری واجپائی اور ماہر تعلیم مدن موہن مالویہ کو بھارت رتن دینے کا اعلان۔

پیدائش

1880 – بھوگ راجو پٹابھی سیتارامیا: معروف بھارتی مجاہدِ آزادی، گاندھی وادی اور صحافی۔

1892 – بنارسی داس چترویدی: نامور صحافی اور ادیب۔

1914 – بابا آمتے: ممتاز سماجی کارکن، خصوصاً جذام کے مریضوں کی خدمت کے لیے معروف۔

1924 – نارائن بھائی دیسائی: مجاہدِ آزادی اور مہادیو دیسائی کے فرزند۔

1924 – محمد رفیع: بھارتی گلوکار۔

1959 – انیل کپور: بھارتی فلم اداکار۔

1961 – پریتی سپرو: بھارتی ہندی سنیما کی معروف اداکارہ۔

1963 – راجو شری واستو: بھارت کے مشہور مزاحیہ فنکار اور اداکار۔

1997– نیرج چوپڑا: بھارتی ٹریک اینڈ فیلڈ ایتھلیٹ، نیزہ پھینکنے کے مقابلوں کے کھلاڑی۔

وفات

1979 – ستیش چندر داس گپتا: بھارتی قوم پرست، سائنس دان اور موجد۔

1987– ایم جی رام چندرن: تمل اداکار اور سیاست دان۔

1988 – جینیندر کمار: ہندی ادب کے معروف نفسیاتی افسانہ نگار اور ناول نگار۔

2016 – دیناناتھ بھارگو: بھارت کے مشہور مصور اور نند لال بوس کے شاگرد۔

اہم دن

صارفین کا قومی دن (نیشنل کنزیومر ڈے)

ہندوستھان سماچار

---------------

ہندوستان سماچار / عبدالواحد