بھدوہی، 22 دسمبر (ہ س)۔ اتر پردیش کے بھدوہی ضلع میں پیر کی علی الصبح اورائی پولیس اور ایس او جی کی مشترکہ ٹیم نے انکاونٹر میں 25ہزار روپے کے انعامی سمیت دو بدمعاشوں کو گرفتار کیا۔

پولیس سپرنٹنڈنٹ ابھیمنیو مانگلک نے صحافیوں کو بتایا کہ اورائی پولیس اور اسپیشل آپریشن گروپ (ایس او جی) کی ایک مشترکہ ٹیم اتوار کی صبح 3 بجے گاڑیوں کی چیکنگ آپریشن کر رہی تھی۔ اس دوران موٹر سائیکل پر سوار دو نوجوان نہر کے پل سے گیان پور کی طرف جا رہے تھے،جو پولیس کو دیکھ کر بھاگنے لگے۔ پولیس نے ان کا پیچھا کیا تو انہوں نے فائرنگ کردی۔ پولیس کی جوابی کارروائی کے بعد دونوں ملزمان کو گرفتار کر لیا گیا۔ ان کی شناخت پریاگ راج ضلع کے پھول پور کے رہنے والے شیوم بھارتیہ اور تھروئی کے مہاراج کے چکیا کے رہنے والے اس کے ساتھی مونو تیواری کے طور پر ہوئی ہے۔

ایس پی نے بتایا کہ شیوم کے خلاف مختلف تھانوں میں 16 سے زیادہ کیس درج ہیں۔ اس کے لیے 25 ہزار روپے کے انعام کا اعلان کیا گیا ہے۔ شیوم کو ٹانگ میں گولی لگنے کے بعد علاج کے لیے اسپتال میں داخل کرایا گیا تھا۔ ملزمان سے ایک پستول، ایک زندہ کارتوس اور خرچ شدہ کارتوس برآمد ہوا۔ شیوم بھارتی اورائی چاقو کے واقعہ میں مطلوب تھا۔

ہندوستھان سماچار

ہندوستان سماچار / محمد شہزاد