ممبئی ، 21 دسمبر (ہ س)۔ مہاراشٹر میں میونسپل کونسلوں اور نگر پنچایتوں کے انتخابات کے بعد ریاست بھر میں منتخب ہونے والے بلدیاتی صدور کے ناموں کا باضابطہ اعلان کر دیا گیا ہے۔ ان نتائج میں بھارتیہ جنتا پارٹی، شیو سینا کے مختلف دھڑے، نیشنلسٹ کانگریس پارٹی کے دونوں دھڑے، کانگریس کے ساتھ ساتھ کئی علاقائی اور مقامی ترقیاتی محاذوں کی مؤثر موجودگی دیکھنے کو ملی ہے۔چنڈی گڑھ، اناگر، جامنیر، دونڈائچہ، میدھا، آتپاڈی، تالے گاؤں، وائی، جنتور، مھسواڈ، مائندرگی، گیورائی، دیولالی پراوارا، اککلکوٹ، دھامن گاؤں، پین، سسواڈ، منگل ویڑھا، تلجا پور، وائیجا پور اور امبرناتھ جیسے میونسپل اداروں میں بی جے پی کے امیدوار صدور منتخب ہوئے۔ اسی طرح شیو سینا (شندے دھڑا) نے ہاتکنانگلے، مکھیڈ، کلم نوری، پالگھر، مالون، ویٹا، چپلون، دہانو، پیٹھن، سلّوڑ، ماتھران، بلڈھانہ اور کھوپولی میں کامیابی حاصل کی۔اجیت پوار دھڑے کی این سی پی نے اوسا، گنگاپور، جیجوری، انداپور، بھور، گنگا کھیڈ، روہا، وڈگاؤں ماول، مہابلیشور اور پنچ گنی جیسے مقامات پر صدور کے عہدے جیتے، جبکہ شرد پوار دھڑے کی این سی پی نے اُران اور اُرون اسلام پور میں کامیابی حاصل کی۔علاقائی اور مقامی محاذوں میں جنسوراجیہ شکتی پارٹی نے مالکاپور اور پنہالا میں، شیتکاری کامگار پکش نے علی باغ میں، سوابھیمانی وکاس اگھاڑی نے تاسگاؤں میں، سٹی ڈیولپمنٹ فرنٹ نے کانکولی میں اور آپلا چندور پینل نے چندور میں صدور کے عہدے حاصل کیے۔ کانگریس امیدوار راجاپور، کنّڑ اور خلتاباد میں منتخب ہوئے، جبکہ مراٹھواڑہ جنہت پارٹی نے دھرم آباد اور بیلولِی میں کامیابی درج کرائی۔

ہندوستھان سماچار

--------------------

ہندوستان سماچار / جاوید این اے