نئی دہلی، 21 دسمبر (ہ س)۔ اتوار کی سہ پہر شاہدرہ ضلع کے گیتا کالونی علاقے میں دہلی جل بورڈ کے ایک ٹینکر نے ایک ریپیڈو موٹر سائیکل سوار کو کچل دیا۔ نوجوان کی موقع پر ہی موت ہو گئی۔ متوفی کی شناخت زبیر علی (26) کے نام سے ہوئی ہے۔ ڈرائیور موقع پر ٹینکر چھوڑ کر فرار ہو گیا۔ اطلاع ملتے ہی پولیس موقع پر پہنچ گئی۔کرائم ٹیم اور ایف ایس ایل نے بھی جائے وقوعہ پر پہنچ کر شواہد اکٹھے کئے۔ ابتدائی تحقیقات سے معلوم ہوا کہ سڑک پر پانی کی وجہ سے زبیر کی موٹر سائیکل پھسل گئی اور وہ سامنے سے آنے والے ٹینکر سے ٹکرا گیا۔ حادثے کے وقت زبیر نے ہیلمٹ پہنا ہوا تھا لیکن اس سے بھی اس کی جان نہیں بچ سکی۔

پہیے کی ٹکر سے زبیر کا ہیلمٹ بکھر گیا اور اس کا سر کچل گیا۔ پولیس نے اس کی لاش کو تحویل میں لے کر مردہ خانے بھجوا دیا ہے۔ پولیس قریب میں نصب سی سی ٹی وی کیمروں کا استعمال کرتے ہوئے حادثے کی وجہ جاننے کی کوشش کر رہی ہے۔ ملزم ٹینکر ڈرائیور کی بھی تلاش جاری ہے۔پولیس کے مطابق زبیر کا خاندان اتر پردیش کے باغپت میں رہتا ہے۔ وہ اپنے والد عظمت علی، والدہ اور چار بھائیوںکے ساتھ رہتاہے۔ کچھ دن پہلے وہ کام کی تلاش میں دہلی آیا تھا۔ پہنچنے کے بعد اس نے ریپیڈو بائیک چلانا شروع کی۔ اتوار کی سہ پہر تقریباً 3:15 بجے، وہ گیتا کالونی ماسٹر پلان روڈ سے ہوتے ہوئے کڈاکری موڑ کی طرف جا رہا تھا۔کسی وجہ سے سڑک پر پانی بھر گیا۔ زبیر کی موٹر سائیکل اچانک پھسل کر پانی پر گر گئی۔ اسی دوران پیچھے سے آنے والے دہلی جل بورڈ کے ٹینکر نے اسے کچل دیا۔ راہگیروں نے پولیس کو حادثے کی اطلاع دی۔ اطلاع ملتے ہی پولیس موقع پر پہنچ گئی۔ موٹر سائیکل اور ٹینکر کو قبضے میں لے کر ملزمان کی تلاش شروع کر دی ہے۔ہندوستھان سماچار

ہندوستان سماچار / Mohammad Khan