بھاگلپور، 21 دسمبر (ہ س)۔ بھاگلپور میں مسلسل بڑھتے ہوئے تجاوزات کے خلاف ضلع انتظامیہ نے ایک بار پھر سخت رویہ اپنایا ہے۔ اتوار کے روز لوہیا پل سے تاتارپور تک ایک بڑے پیمانے پر انسداد تجاوزات مہم چلائی گئی۔ اس مہم میں صدر ایس ڈی ایم وکاس کمار، سٹی ڈی ایس پی اجے چودھری، ٹریفک ڈی ایس پی سنجے کمار، میونسپل کارپوریشن کے انکروچمنٹ انچارج کے ساتھ پولیس فورس بھی اس مہم میں موجود تھی۔ مہم کے دوران سڑک کنارے غیر قانونی دکانیں قائم کرکے ٹریفک میں رکاوٹیں ڈالنے والے دکانداروں کے خلاف کارروائی کی گئی۔ متعدد دکانداروں سے موقع پر ہی جرمانے وصول کئے گئے جبکہ کئی دکانوں سے سامان ضبط کرلیا گیا۔ انتظامیہ کے اس اقدام سے پورے علاقے میں کھلبلی مچ گئی۔موقع پر موجود صدر ایس ڈی ایم وکاس کمار نے بتایا کہ شہر کو تجاوزات سے پاک بنانے کی یہ مہم جاری رہے گی۔ اس دوران سٹی ڈی ایس پی اجے چودھری نے سخت وارننگ جاری کرتے ہوئے کہا کہ جن علاقوں سے تجاوزات ہٹائی گئی ہیں وہاں دوبارہ تجاوزات کرنے والوں کے خلاف سخت قانونی کارروائی کی جائے گی۔ توقع ہے کہ انتظامیہ کی اس سختی سے عام لوگوں کو جام اور افراتفری سے نجات ملے گی۔ہندوستھان سماچار

ہندوستان سماچار / Mohammad Afzal Hassan