دھرم شالہ، 21 دسمبر (ہ س)۔
کانگڑا ضلع کے شاہ پور تھانے کے تحت امرتسر کے تین نوجوانوں کو 75 گرام منشیات کے ساتھ پکڑے جانے کے معاملے میں پولس نے اہم خاتون اسمگلر کو پالم پور کے ویندراون سے گرفتار کیا ہے۔ پولیس نے ملزمہ خاتون کو گرفتار کر کے اس کے خلاف مقدمہ درج کر کے مزید کارروائی شروع کر دی ہے۔
قابل ذکر ہے کہ حال ہی میں خفیہ اطلاع کی بنیاد پر، ایک خصوصی پولیس ٹیم نے امرتسر کے تین نوجوانوں: وکی ولد امر سنگھ ساکن امرتسر، سندیپ سنگھ ولد کلونت سنگھ ساکن امرتسر اور وشال سنگھ، ساکن امرتسر، پنجاب کو 75 گرام منشیات (ہیروئن) کے ساتھ سرانو (ایس) کے قریب گرفتار کیا تھا۔
ملزم سے گہرائی سے پوچھ گچھ، تکنیکی تجزیہ اور لین دین کی تاریخ سے حاصل کردہ معلومات کی بنیاد پر، پولس کو ایک اہم اشارہ ملا کہ ملزمین پالم پور کے بندراون میں منشیات کے اہم اسمگلر جیوتی کو منشیات پہنچانے والے تھے۔ اس کی بنیاد پر، پولیس نے ایک خصوصی خفیہ ٹیم تشکیل دی اور اسے بندراون (پالم پور) بھیج دیا تاکہ مبینہ خاتون اسمگلر کو پکڑ سکے۔ منشیات کا اہم اسمگلر 36 سالہ جیوتی، بیوی وجے کمار، ساکن گاو¿ں اور ڈاکخانہ بندراون، تحصیل پالم پور، ضلع کانگڑا، کو گرفتار کیا گیا۔
ہندوستھان سماچار
ہندوستان سماچار / عطاءاللہ
