نوئیڈا، 20 دسمبر (ہ س)۔ نیشنل کیپیٹل ریجن (این سی آر) ہفتہ کو دھند کی ایک گھنی چادر میں ڈھک گیا۔ ویزیبلٹی (حدنگاہ )صفر تک گر گئی۔ ہائی ویز اور دیگر راستوں پر ڈرائیوروں کو خاصی پریشانی کا سامنا کرنا پڑا۔ صورتحال ایسی تھی کہ ڈرائیور 10-15 کلومیٹر فی گھنٹہ کی رفتار سے گاڑی چلاتے نظر آئے۔

ڈپٹی کمشنر آف پولیس (ٹریفک) ڈاکٹر پروین رنجن سنگھ نے بتایا کہ پولیس اہلکار رات گئے سے صبح سویرے تک مختلف شاہراہوں پر تعینات رہے۔ انہوں نے ڈرائیوروں کو روک کر محفوظ طریقے سے گاڑی چلانے کا مشورہ دیا۔ کئی مقامات پر، پولیس نے بھاری گاڑیوں کے ڈرائیوروں کو روکا، انہیں چائے پلائی، اور انہیں خبردار کیا کہ وہ گاڑی چلاتے وقت محتاط رہیں اور اگر انہیں نیند آنے لگے تو اپنی گاڑیاں سڑک کے کنارے کھڑی کر دیں۔

آج صبح سے حد نگاہ صفر ہے۔ یہاں تک کہ آس پاس کی چیزیں بھی نظر نہیں آ رہی تھیں۔ نوئیڈا اور آس پاس کے علاقوں میں دھند کی چادر چھائی ہوئی ہے، جس سے لوگوں کو ایک میٹر کے فاصلے سے بھی دیکھنا مشکل ہو گیا ہے۔ حتیٰ کہ سوسائٹی میں ایک ٹاور سے دوسری ٹاور دیکھ پانا مشکل ہو رہا تھا۔

صبح جب لوگ بیدار ہوئے تو پورا شہر سفید چادرسے ڈھکا ہوا تھا۔ یمنا ایکسپریس وے، نوئیڈا ایکسپریس وے، نیشنل ہائی وے 91، نیشنل ہائی وے 24اور ایسٹرن پیریفرل ایکسپریس وے سمیت مختلف ایکسپریس وے پر صبح سے ہی حد نگاہ صفر تھی۔ دھند کے باعث ڈرائیوروں کو شدید مشکلات کا سامنا کرنا پڑا۔ دھند کی وجہ سے مختلف صنعتی یونٹس میں ڈیوٹی کرنے والے افراد بھی وقت پر اپنی منزل پر نہ پہنچ سکے۔

ہندوستھان سماچار

ہندوستان سماچار / محمد شہزاد