فیروز آباد، 19 دسمبر (ہ س)۔ محبت کی شادی کے بعد بیوی کو قتل کرنے والے شوہر کو عدالت نے جمعہ کو عمر قید کی سزا سنائی۔ اس پر جرمانہ بھی عائد کیا گیا۔ جرمانہ ادا نہ کرنے کی صورت میں اضافی سزا دی جائے گی۔7 جنوری 2020 کو نرکھی تھانہ علاقے کے بنچگاو¿ں کے رہنے والے رنجیت ولد رامویر نے آگرہ ضلع کے چھٹا تھانہ علاقے کے گدھا پاڑا جیوانی منڈی گاو¿ں کی رہنے والی جیوتی کو اغوا کیا اور اس کے بعد اس سے لو میرج کر لی۔ وہ کرائے کے مکان میں میاں بیوی کے طور پر رہنے لگے۔ جیوتی کا انتقال 19 مارچ 2021 کو ہوا۔ متوفی کی ماں، انیتا دیوی نے نرکھی پولیس اسٹیشن میں جہیز کے لیے قتل کا مقدمہ درج کرایا، جس میں رنجیت اور اس کے اہل خانہ پر جہیز کے لیے اس کا گلا دبا کر قتل کرنے کا الزام لگایا۔ تحقیقات کے بعد پولیس نے رنجیت اور اس کی ماں شیلا دیوی کے خلاف عدالت میں چارج شیٹ داخل کی۔ اس کیس کی سماعت ایڈیشنل سیشن جج فاسٹ ٹریک کورٹ نمبر 2 ومل ورما کی عدالت میں ہوئی۔ استغاثہ کی نمائندگی اے ڈی جی سی اجے یادو نے کی۔ انہوں نے کہا کہ عدالت میں متعدد گواہوں نے گواہی دی اور بے شمار ثبوت پیش کئے۔

فائل پر دستیاب شواہد اور گواہوں کی گواہی کی بنیاد پر عدالت نے شوہر رنجیت کو اپنی بیوی جیوتی کے قتل کا مجرم قرار دیا۔ عدالت نے رنجیت کو عمر قید کی سزا سنائی۔ اس پر 20 ہزار روپے جرمانہ عائد کیا گیا۔ جرمانہ ادا نہ کرنے کی صورت میں اضافی سزا دی جائے گی۔ تاہم عدالت نے شیلا دیوی کو ثبوت کی کمی کی وجہ سے بری کر دیا۔

ہندوستھان سماچار

ہندوستان سماچار / Mohammad Khan