ابتدائی کاروبار میں شیئر بازار میں تیزی، سینسیکس اور نفٹی اضافہ
نئی دہلی، 19 دسمبر (ہ س)۔ گھریلو شیئر بازار میں آج ابتدائی کاروبار کے دوران تیزی کا رجحان برقرار ہے۔ آج کے کاروبار کی شروعات بھی مضبوطی کے ساتھ ہوئی تھی۔ بازار کھلنے کے بعد خریداروں نے خریداری کا زور بنا دیا، جس کی وجہ سے سینسیکس اور نفٹی دونوں انڈیکس کی حرکت میں تیزی آ گئی۔ صبح 10 بجے تک کا کاروبار ہونے کے بعد سینسیکس 0.60 فیصد اور نفٹی 0.55 فیصد کی مضبوطی کے ساتھ کاروبار کر رہے تھے۔
صبح 10 بجے تک کا کاروبار ہونے کے بعد شیئر مارکیٹ کے سرکردہ شیئروں میں سے میکس ہیلتھ کیئر، ریلائنس انڈسٹریز، جیو فائنینشل، بجاج فن سرو اور بھارتی ایئرٹیل کے شیئر 2 فیصد سے لے کر 0.18 فیصد کی مضبوطی کے ساتھ کاروبار کر رہے تھے۔ دوسری جانب، شری رام فائنینس، ٹیک مہندرا، ایچ ڈی ایف سی بینک، شپنگ کارپوریشن اور ایچ سی ایل ٹیکنالوجی کے شیئر 1.25 فیصد سے لے کر 0.12 فیصد کی گراوٹ کے ساتھ کاروبار کرتے ہوئے نظر آ رہے تھے۔
ابھی تک کے کاروبار میں اسٹاک مارکیٹ میں 2,149 شیئروں میں ایکٹیو ٹریڈنگ ہو رہی تھی۔ ان میں سے 1,609 شیئر منافع کما کر سبز نشان میں کاروبار کر رہے تھے، جبکہ 540 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 25 شیئر خریداری کی حمایت سے سبز نشان میں برقرار تھے۔ دوسری جانب 5 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 45 شیئر سبز نشان میں اور 5 شیئر سرخ نشان میں کاروبار کرتے نظر آ رہے تھے۔
بی ایس ای کا سینسیکس آج 274.98 پوائنٹس کی مضبوطی کے ساتھ 84,756.79 پوائنٹس کی سطح پر کھلا۔ بازار کھلتے ہی خریداری کی حمایت سے پہلے آدھے گھنٹے کے کاروبار میں ہی یہ انڈیکس چھلانگ لگا کر 85,014.83 پوائنٹس تک پہنچ گیا۔ اس کے بعد منافع وصولی شروع ہونے کی وجہ سے اس انڈیکس کی حرکت میں معمولی گراوٹ بھی آئی۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد سینسیکس 502.79 پوائنٹس کے اضافے کے ساتھ 84,984.60 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے آج 95.95 پوائنٹس کی تیزی کے ساتھ 25,911.50 پوائنٹس کی سطح سے کاروبار کی شروعات کی۔ بازار کھلنے کے بعد خریداری شروع ہونے کی وجہ سے پہلے نصف گھنٹے میں ہی یہ انڈیکس مضبوطی دکھاتے ہوئے 25,970.40 پوائنٹس تک پہنچ گیا۔ اس کے بعد فروخت کا دباو بننے کی وجہ سے اس انڈیکس کی چال میں بھی گراوٹ درج کی گئی۔ بازار میں مسلسل جاری خرید ور فروخت کے درمیان صبح 10 بجے تک کا کاروبار ہونے کے بعد نفٹی 142 پوائنٹس کی تیزی کے ساتھ 25,957.55 پوائنٹس کی سطح پر کاروبار کر رہا تھا۔
ہندوستھان سماچار
---------------
ہندوستان سماچار / انظر حسن
