سرینگر، 19 دسمبر (ہ س )۔ جموں و کشمیر کے انتظامی سیٹ اپ میں بڑے پیمانے پر ردوبدل شروع ہو گیا ہے، جس میں اے جی ایم یو ٹی کیڈر کے آئی اے ایس افسران کے تبادلے جلد متوقع ہیں۔ ذرائع نے بتایا کہ اس وقت جموں و کشمیر میں خدمات انجام دے رہے کچھ آئی اے ایس افسروں کا تبادلہ ہونے کا امکان ہے، جب کہ مرکزی زیر انتظام علاقے سے باہر کے چند افسران کو وزارت داخلہ (ایم ایچ اے) کی طرف سے آنے والے کیڈر کی تبدیلی کے ایک حصے کے طور پر جموں و کشمیر میں شامل کیا جا سکتا ہے۔ ذرائع نے مزید کہا کہ اے جی ایم یو ٹی کیڈر کی سطح پر ان تبادلوں اور پوسٹنگ کے احکامات جاری کرنے کے بعد جموں و کشمیر انتظامیہ سے بھی توقع کی جاتی ہے کہ وہ آئی اے ایس اور ڈپٹی کمشنر کی سطح پر نئے تبادلے اور تعیناتیاں کرے گی۔ متوقع انتظامی تبدیلیوں کو ایک سینئر آئی اے ایس افسر کی ریٹائرمنٹ پر بھی دیکھا جا رہا ہے، شانت مانو اس وقت جموں و کشمیر میں بہت سے اہم چارجز پر فائز ہیں، جو 31 دسمبر کو ریٹائر ہونے والے ہیں، جس سے کلیدی عہدوں پر ایڈجسٹمنٹ کی راہ ہموار ہو سکتی ہے۔ تاہم تبادلوں کے حوالے سے سرکاری احکامات کا انتظار ہے۔ہندوستھان سماچار

ہندوستان سماچار / Aftab Ahmad Mir