نئی دہلی، 19 دسمبر (ہ س)۔ عالمی شیئر بازاروں میں آج مضبوطی کے رجحانات نظر آ رہے ہیں۔ امریکی بازار گزشتہ سیشن کے دوران اضافے کے ساتھ بند ہونے میں کامیاب رہے۔ ڈاؤ جونز فیوچرز بھی آج تیزی کے ساتھ کاروبار کرتا ہوا نظر آ رہا ہے۔ گزشتہ سیشن کے دوران یورپی بازاروں میں بھی تیزی رہی۔ اسی طرح ایشیائی بازاروں میں بھی آج عام طور پر خریداری کی سرگرمیاں دیکھی جارہی ہیں۔

امریکہ میںاندازے سے بہتر مہنگائی کے اعداد و شمار آنے کی وجہ سے بازار میں مسلسل چار کاروباری دنوں سے جاری گراوٹ کے سلسلے پر گذشتہ سیشن کے دوران بریک لگ گیا۔ افراط زر کے اعداد و شمار کے ساتھ ہی، امریکی ابتدائی بے روزگاری کے دعووں کا ڈیٹا بھی توقع سے بہتر آیا، جس کی وجہ سے وال اسٹریٹ کے اشاریے بلندی پر بند ہوئے۔ ایس اینڈ پی 500 انڈیکس 0.93 فیصد اضافے کے ساتھ 6,784.23 پوائنٹس پر بند ہوا۔ اسی طرح، نیس ڈیک نے 311.14 پوائنٹس یعنی 1.37 فیصد چھلانگ لگا کر پچھلے سیشن کاکاروبار 23,004.46 پر ختم کیا۔ ڈاؤ جونز فیوچرز اس وقت 342 پوائنٹسیعنی 0.71 فیصد اضافے کے ساتھ 48,293.85 پوائنٹس پر ٹریڈ کر رہا ہے۔

یورپی بازاروں میں بھی گزشتہ سیشن کے دوران مسلسل خریداری ہوتی رہی۔ ۔ ایف ٹی ایس ای انڈیکس 0.64 فیصد اضافے کے ساتھ 9,837.77 پر بند ہوا۔ اسی طرح سی اے سی انڈیکس 0.79 فیصد اضافے کے ساتھ 8,150.64 پر بند ہوا۔ ڈی اے ایکس انڈیکس بھی 238.91 پوائنٹس یعنی 0.99 فیصد اضافے کے ساتھ 24,199.50 پر بند ہوا۔

ایشیائی بازار آج عام طور پر تیزی کا شکار ہیں۔ نو ایشیائی مارکیٹ انڈیکس میں سے آٹھ انڈیکس فائدے کے ساتھ سبز نشان میں کاروبار کر رہے ہیں، جبکہ ایک انڈیکس گراوٹ کے ساتھ سرخ نشان میں ٹریڈ کر رہا ہے۔ جکارتہ کمپوزٹ انڈیکس فی الحال 0.39 فیصد کی کمزوری کے ساتھ 8,584.46 پر ٹریڈ کر رہا ہے۔

دوسری طرف،گفٹ نفٹی 131 پوائنٹس یعنی 0.51 فیصد کے اضافے سے 26,004 پوائنٹس پر ٹریڈ کر رہا ہے۔ اسی طرح اسٹریٹس ٹائمز انڈیکس 0.13 فیصد کی مضبوطی کے ساتھ 4,576.39 پوائنٹس کی سطح تک پہنچ گیا۔ نکئی انڈیکس نے آج نمایاں چھلانگ لگائی ہے۔ فی الحال، یہ انڈیکس 633.50 پوائنٹس یعنی 1.29 فیصد چھلانگ لگا کر 49,635 پوائنٹس پر پہنچ گیا ہے۔

اسی طرح تائیوان ویٹڈ انڈیکس 297.18 پوائنٹس یعنی 1.08 فیصد اضافے کے ساتھ 27,765.71 پوائنٹس پر ٹریڈ کر رہا ہے۔ اس کے علاوہ کوسپی انڈیکس 0.93 فیصد اضافے کے ساتھ 4,031.56 پوائنٹس کی سطح پر ، ہینگ سینگ انڈیکس 188.87 پوائنٹس یعنی 0.74 فیصد اضافے کے ساتھ 25,687 پوائنٹس پر ، شنگھائی کمپوزٹ انڈیکس 0.59فیصد کی اچھال کے ساتھ

3,899.31 پوائنٹس کی سطح پر اور سیٹ کمپوزٹ انڈیکس 0.27 فیصد اضافے کے ساتھ 1253.46 پوائنٹس کی سطح پر کاروبار کر رہے ہیں۔

ہندوستھان سماچار

ہندوستان سماچار / محمد شہزاد