ابتدائی کاروبار میں شیئر مارکیٹ پر دباو، سینسیکس اور نفٹی میں گراوٹ

نئی دہلی، 18 دسمبر (ہ س)۔ گھریلو شیئر مارکیٹ میں آج ابتدائی کاروبار کے دوران دباو نظر آ رہا ہے۔ آج کے کاروبار کی شروعات بھی گراوٹ کے ساتھ ہوئی تھی۔ مارکیٹ کھلنے کے بعد خریداری کی حمایت سے تھوڑی دیر میں ہی سینسیکس اور نفٹی دونوں انڈیکس نے ریکوری کر کے سبز نشان میں اپنی جگہ بنا لی۔ حالانکہ پہلے 10 منٹ کے کاروبار کے بعد ہی فروخت کا دباو بن گیا، جس کی وجہ سے یہ دونوں انڈیکس دوبارہ سرخ نشان میں گر گئے۔ صبح 10 بجے تک کا کاروبار ہونے کے بعد سینسیکس 0.26 فیصد اور نفٹی 0.27 فیصد کی کمزوری کے ساتھ کاروبار کر رہے تھے۔

صبح 10 بجے تک کا کاروبار ہونے کے بعد شیئر مارکیٹ کے سرکردہ شیئروں میں سے شری رام فائنانس، ٹی سی ایس، ایکسس بینک، ٹیک مہندرا اور ایس بی آئی لائف انشورنس کے شیئر 0.61 فیصد سے لے کر 0.06 فیصد کی مضبوطی کے ساتھ کاروبار کر رہے تھے۔ دوسری جانب، جیو فائنانشیل، ماروتی سوزوکی، این ٹی پی سی، ٹاٹا اسٹیل اور ایشین پینٹس کے شیئر 1.16 فیصد سے لے کر 0.83 فیصد کی گراوٹ کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر مارکیٹ میں 2,487 شیئروں میں ایکٹیو ٹریڈنگ ہو رہی تھی۔ ان میں سے 598 شیئر منافع کما کر سبز نشان میں کاروبار کر رہے تھے، جبکہ 1,889 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 6 شیئر خریدی کی حمایت سے سبز نشان میں برقرار تھے۔ دوسری جانب 24 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 11 شیئر سبز نشان میں اور 39 شیئر سرخ نشان میں کاروبار کرتے نظر آ رہے تھے۔

بی ایس ای کا سینسیکس آج 41.32 پوائنٹس کی معمولی کمزوری کے ساتھ 84,518.33 پوائنٹس کی سطح پر کھلا۔ کاروبار کی شروعات ہوتے ہی خریداری کی حمایت ملنے پر پہلے 10 منٹ میں ہی یہ انڈیکس اچھل کر سبز نشان میں 84,570.60 پوائنٹس تک پہنچ گیا۔ اس کے بعد مارکیٹ میں فروخت کا دباو بن گیا، جس کی وجہ سے اس انڈیکس نے اپنی سبقت گنوا کر ایک بار پھر سرخ نشان میں غوطہ لگا دیا۔ مارکیٹ میں لگاتار جاری خرید و فروخت کے درمیان صبح 10 بجے تک کا کاروبار ہونے کے بعد سینسیکس 219.65 پوائنٹس کی گراوٹ کے ساتھ 84,340 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 53.85 پوائنٹس ٹوٹ کر 25,764.70 پوائنٹس کی سطح سے کاروبار کی شروعات کی۔ مارکیٹ کھلتے ہی خریداری کی حمایت سے یہ انڈیکس اچھل کر سبز نشان میں 25,827.15 پوائنٹس کی سطح تک پہنچا۔ حالانکہ تھوڑی دیر بعد ہی مارکیٹ میں فروخت شروع ہو گئی، جس سے یہ انڈیکس دوبارہ سرخ نشان میں گر گیا۔ مارکیٹ میں لگاتار جاری خریدو فروخت کے درمیان صبح 10 بجے تک کا کاروبار ہونے کے بعد نفٹی 68.90 پوائنٹس گر کر 25,749.65 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن