ماسکو ،18دسمبر (ہ س )۔

روس کے صدر ولادیمیر پوتن نے یورپ کے رہنماؤں کو خنزیر قرار دے دیا۔یورپ ممالک کے رہنماؤن اور روس کے درمیان تنازعات مزید گہرا ہوتا جا رہا ہے ۔ دریں اثنا روس کے صدر پوتن نے یوروپی رہنماؤں پر شدید تنقید کی ہے۔

میڈیا رپورٹوں کے مطابق روسی جرنیلوں کی تقریب سے خطاب میں صدر پوتن نے کہا کہ یہ یورپی خنزیر ماضی کا بدلہ لینے کے لیے روس کو تباہ کرنا چاہتے ہیں لیکن روس کے خلاف تمام تباہ کن منصوبے ناکام ہوچکے ہیں۔انہوں نے کہا کہ سب کو توقع تھی کہ روس ٹکڑے ٹکڑے ہو جائے گا لیکن ایسا نہیں ہوا۔روسی صدر کا کہنا تھا کہ اگر مخالف فریق اور اس کے سرپرست مجوزہ امریکی امن منصوبے پر سنجیدہ نہ ہوئے تو روس اپنی تاریخی سرزمین کی آزادی طاقت سے حاصل کر لے گا۔

یاد رہے کہ اس سے قبل رواں ماہ روسی صدر نے کہا تھا کہ یورپ اگر جنگ کرنا چاہتا ہے تو روس بھی تیار ہے۔روسی صدر پوتن نے یورپین رہنماو¿ں پر الزام عائد کیا تھا کہ پہلے یورپی لیڈرز یوکرین کے حوالے سے مذاکرات سے الگ تھلگ رہے اور اب وہ یوکرین پر ہونے والے ممکنہ معاہدے کو خراب کرنے کی کوشش کر رہے ہیں۔

ہندوستھان سماچار

ہندوستان سماچار / عطاءاللہ