گرم کپڑے پہنیں، کئی تہوں میں لباس پہنیں، غیر ضروری سفر سے بچیں

متوازن غذا اور وٹامن سی سے بھرپور پھل سبزیوں کا استعمال کریں

بھوپال، 18 دسمبر (ہ س)۔

مدھیہ پردیش محکمہ صحت عامہ اور طبی تعلیم کے کمشنر ترون راٹھی نے سرد لہر سے بچاو کے لیے تمام میڈیکل کالجوں کے ڈین، چیف میڈیکل اور ہیلتھ افسران اور سول سرجن کم چیف اسپتال سپرنٹنڈنٹ کے ذریعے فلڈ ملازمین اور عام شہریوں کو سرد لہر کی علامات، بچاو کے طریقے اور ڈوز اینڈ ڈونٹس کے سلسلے میں بیدار کرنے اور ضروری تیاریاں رکھنے کی ہدایت دی ہے۔ یہ جانکاری جمعرات کو رابطہ عامہ افسر انکش مشرا نے دی۔

قابل ذکر ہے کہ ریاست میں دسمبر اور جنوری مہینہ کے دوران سرد لہر کا قہر اکثر دیکھنے کو ملتا ہے۔ اس مدت میں کئی علاقوں میں کم از کم درجہ حرارت 7-5 ڈگری سیلسیس یا اس سے کم درج کیا جاتا ہے، جس سے عوام کی صحت پر منفی اثر پڑنے کا خدشہ رہتا ہے۔ شدید سردی کی وجہ سے ہائپوتھرمیا، فراسٹ بائٹ جیسی سرما سے ہونے والی بیماریاں اور مشکل حالات میں موت کا امکان بھی ہو سکتا ہے۔ سرد لہر کے دوران خاص طور پر 65 سال سے زیادہ عمر کے بزرگ، 5 سال سے کم عمر کے بچے، دل اور سانس کی بیماری میں مبتلا افراد، بے گھر لوگ، کھلے مقامات اور تعمیراتی مقامات پر کام کرنے والے مزدور، سڑک کنارے رہنے والے افراد اور چھوٹے کاروباری انتہائی حساس ہوتے ہیں۔

سرد لہر ایک موسم سے متعلق واقعہ ہے جس میں کم از کم درجہ حرارت میں اچانک گراوٹ آتی ہے، ٹھنڈی ہوائیں چلتی ہیں اور پالا یا برف جمنے جیسی صورتحال پیدا ہو سکتی ہے۔

مقامی ریڈیو، ٹی وی اور اخبارات کے ذریعے موسم کی جانکاری باقاعدگی سے لیتے رہیں۔ کافی مقدار میں گرم کپڑے پہنیں اور کئی تہوں میں لباس پہنیں۔ سر، گردن، ہاتھ اور پیروں کو اچھی طرح ڈھکیں؛ ٹوپی، مفلر اور موزے کا استعمال کریں۔ واٹر پروف جوتوں کا استعمال کریں۔ گرم اور سیال مشروبات (چائے، سوپ وغیرہ) لیتے رہیں اور متوازن غذا و وٹامن سی سے بھرپور پھل سبزیوں کا استعمال کریں۔ ٹھنڈی ہوا سے بچیں، جہاں تک ممکن ہو گھر کے اندر رہیں اور غیر ضروری سفر سے بچیں۔ بچوں، بزرگوں، اکیلے رہنے والے اور بے سہارا افراد کا خاص خیال رکھیں۔ ضروری دوائیوں، ایندھن، پینے کے پانی اور دیگر ضروری سامان کا پہلے سے ذخیرہ رکھیں۔ ٹھنڈ سے متاثر ہونے پر فوراً طبی مشورہ لیں اور قریبی اسپتال سے رابطہ کریں۔

شدید سردی میں کھلے مقامات پر غیر ضروری وقت تک نہ رہیں۔ گیلے کپڑے پہن کر نہ رہیں، فوراً سوکھے کپڑے پہنیں۔ ہائپوتھرمیا سے متاثرہ شخص کو نشہ آور مشروبات نہ دیں۔ شدید ٹھنڈ کی علامات کو نظر انداز نہ کریں۔

تیز کپکپی، شدید تھکان، وہم کی کیفیت، بولنے میں دشواری، نیند آنا۔ ہاتھ پیر کی انگلیوں، کانوں یا ناک میں سن ہونا، سفید یا پیلا پڑنا۔ شیر خوار بچوں میں ٹھنڈی، سرخ جلد اور توانائی کی کمی۔ ہائپوتھرمیا ایک طبی ایمرجنسی ہے۔ ایسے میں شخص کو فوراً گرم جگہ پر لے جا کر سوکھے کمبل سے ڈھکیں اور جلد اسپتال پہنچائیں۔

ہندوستھان سماچار

---------------

ہندوستان سماچار / انظر حسن