پٹنہ، 18 دسمبر (ہ س)۔ بہار کے نائب وزیر اعلیٰ سمراٹ چودھری نے اعلان کیا کہ پٹنہ ضلع کے نوبت پور علاقے کے تحت موجا چررا میں 30 ایکڑ اراضی کے حصول کے منصوبے کو بہار اسپیشل آرمڈ پولیس-1 (گورکھا کور) کے مستقل قیام اور بنیادی ڈھانچے کی تعمیر کے لیے منظور کیا گیا ہے۔سمراٹ چودھری نے جمعرات کے روز یہاں بتایا کہ اس پروجیکٹ کے لیے40کروڑ 54لاکھ 41ہزار روپے رقم مختص کیے گئے ہیں۔ نائب وزیر اعلیٰ نے کہا کہ نشاندہی کی گئی زمین نوبت پور ہیڈکوارٹر سے تقریباً 6.5 کلومیٹر کے فاصلے پر ہے اور بہٹہ-سرمیرا سڑک سے ملحق ہے، جو اسے اسٹریٹجک اور انتظامی نقطہ نظر سے انتہائی موزوں بناتی ہے۔انہوں نے کہا کہ بہار اسپیشل آرمس پولیس -1، گورکھا کور، ریاستی پولیس فورس کی ایک اہم اکائی ہے، جو حساس علاقوں میں جرائم پر قابو پانے، نکسل سے متاثرہ علاقوں میں سیکورٹی کو برقرار رکھنے اور آئینی عہدوں پر فائز لوگوں کی حفاظت میں اہم کردار ادا کرتی ہے۔ 2002 میں تشکیل دی گئی کور محدود اور عارضی وسائل کے ساتھ کام کر رہی ہے۔انہوں نے کہا کہ نئی زمین پر مستقل عمارتوں، رہائش، پریڈ گراؤنڈز اور انتظامی انفراسٹرکچر کی تعمیر سے نہ صرف کور کی کارکردگی میں اضافہ ہوگا بلکہ اس کے پولیس اہلکاروں کے حوصلے بھی بلند ہوں گے۔

ہندوستھان سماچار

ہندوستان سماچار / Mohammad Afzal Hassan