پٹنہ، 17 دسمبر (ہ س)۔ مظفر پور ضلع کے سکرا کے نولپور مشرولیہ گاؤں کے رہنے والے امرجیت پاسوان اور ان کی تین بچیوں کی موت پر ریاستی کانگریس کے صدر راجیش رام نے جائے وقوع کا دورہ کرنے کے بعد ریاستی ہیڈکوارٹر صداقت آشرم میں ایک پریس کانفرنس میں خاندان کے درد کا آنکھوں دیکھا حال بیان کیا اور متاثرہ خاندان کے لیے انصاف کا مطالبہ کیا۔ انہوں نے ریاستی حکومت سے مطالبہ کہ وہ قصوروار مائیکرو فائنانس بینک کی نشاندہی کرے اور ان کے خلاف کارروائی کرے۔
ریاستی کانگریس کے صدر راجیش رام نے کہا کہ بھوک ، قرض سے پریشان ہو کر پھانسی لگا کر اپنا اور اپنے خاندان کے لئے موت قبول کرنے والے والد کی حالت زاد کے لئے ذمہ دار ریاستی حکومت ہے جو غریب اور پسماندہ لوگوں کے لئے باعزت زندگی کی ضمانت بھی نہیں دے سکتی۔ دل دہلا دینے والاواقعہ جس میں چار لوگوں کی دردناک موت ہوگئی وہ ہمیں سوچنے پر مجبور کرتا ہے کہ کیا ریاست میں قانون نام کی کوئی چیز نہیں ہے جو غریب اور مظلوم انصاف مانگنے کی جگہ موت کو پسند کر ر ہے ہیں۔
ریاستی کانگریس صدر نے کہا کہ مائیکرو فائنانس بینک ریاست میں مسلسل ناخوشگوار واقعات کو جنم دے رہے ہیں، اور حکومت ان پر قابو پانے میں ناکام ہو رہی ہے۔ یہ واقعہ صرف ایک خاندان کا المیہ نہیں ہے بلکہ آس پاس کے کئی گاؤں کے لوگ ایسے قرضوں کی وجہ سے اپنے گھر بار چھوڑنے پر مجبور ہیں۔ کئی واقعات کا حوالہ دیتے ہوئے ریاستی صدر راجیش رام نے کہا کہ محمد رئیس ، رنجیت مانجھی ، سیوان داس سمیت دیگر متاثرہ نے یا تو خود کشی کر لی یا نقل مکانی کرگئے۔ بہار کانگریس مائیکرو فائنانس کمپنی اور بینک کے خلاف زبردست عوامی تحریک شروع کرے گی، حکومت سے سخت قوانین بنانے اور قرض کی وصولی کے نام پر غنڈہ گردی کرنے والوں کے خلاف کارروائی کا مطالبہ کرے گی۔
ریاستی صدر راجیش رام نے مطالبہ کیا کہ ریاستی حکومت متاثرہ خاندان کو فوری طور پر مناسب معاوضہ فراہم کرے، زندہ بچ جانے والے بچوں کی تعلیم اور پرورش کی پوری ذمہ داری لے، اور مائیکرو فنانس کمپنیوں کے قرضوں اور طریقوں کی اعلیٰ سطحی تحقیقات کرے۔ انہوں نے ریاست میں امن و امان کی صورتحال پر بھی سوال اٹھاتے ہوئے کہا کہ عوام کو حکومت سے انصاف کی کوئی امید نہیں ہے، اس لیے وہ ایسے تکلیف دہ فیصلے لینے پر مجبور ہو رہے ہیں۔ کانگریس پارٹی متاثرہ خاندان کو انصاف دلانے میں اپنا کردار ادا کرے گی۔
پریس کانفرنس میں ریاستی صدر راجیش رام، میڈیا ڈیپارٹمنٹ کے چیئرمین راجیش راٹھوڑ، ترجمان ڈاکٹرشیش وردھن، سوشل میڈیا ڈیپارٹمنٹ کے چیئرمین سوربھ سنہا، اور لیگل سیل کے چیئرمین سنجے پانڈے موجود تھے۔
ہندوستھان سماچار
ہندوستان سماچار / Mohammad Afzal Hassan
