دوحہ، 17 دسمبر (ہ س)۔ پیرس سینٹ جرمین (پی ایس جی) اور فرانس کے فارورڈ عثمان ڈیمبیلے کو فیفا مینس پلیئر آف دی ایئر منتخب کیا گیا ہے، جبکہ اسپین اور بارسلونا کی مڈ فیلڈر ایتانا بونمتی نے لگاتار تیسرے سال فیفا ویمنس پلیئر آف دی ایئر کا ایوارڈ اپنے نام کیا۔

28 سالہ ڈیمبیلے پی ایس جی کی تاریخی پہلی چیمپئنز لیگ جیت میں اہم کردار نبھانے والے کھلاڑیوں میں شامل رہے۔ فائنل مقابلے میں پی ایس جی نے انٹر میلان کو 0-5 سے ہرایا۔ ڈیمبیلے نے گزشتہ سیزن سبھی مقابلوں میں کل 35 گول کیے، جن میں سے 21 گول لیگ-1 میں تھے، اور وہ ٹورنامنٹ کے ٹاپ اسکورر بھی بنے۔

وہیں، ایتانا بونمتی نے چیمپئنز لیگ پلیئر آف دی سیزن کا خطاب بھی جیتا۔ اس کے علاوہ انہوں نے لگاتار تیسری بار ویمنس بیلن ڈی اور ایوارڈ بھی حاصل کیا۔ بونمتی کی قیادت میں بارسلونا نے گھریلو سطح پر ٹریبل جیتا، جبکہ اسپین کے ساتھ انہوں نے چیمپئنز لیگ فائنل اور یورو 2025 فائنل تک کا سفر طے کیا۔

ہندوستھان سماچار

---------------

ہندوستان سماچار / انظر حسن