صدر جمہوریہ ہند مرمو کی سرمائی قیام کے لیے حیدرآباد آمدحیدرآباد، 17 دسمبر (ہ س)۔ صدر جمہوریہ ہند دروپدی مرمو پانچ روزہ سرمائی قیام کے لئے آج حیدرآباد پہنچیں۔ آج ایک خصوصی پرواز کے ذریعے حکیم پیٹ میں واقع ایئر فورس ٹریننگ سنٹر پہنچنے پر صدر جمہوریہ مرمو کا تلنگانہ کے گورنر جشنو دیو ورما، تلنگانہ کے نائب وزیر اعلی بھٹی وکرمارکا، وزرائے مملکت سریدھر بابو، سیتااکا اوردیگر اعلیٰ حکام نے استقبال کیا۔ ریاست کے چیف سکریٹری رام کرشن راؤ نے بتایا کہ صدر دروپدی مرمو کے سرمائی قیام کے تحت وہ حیدرآباد کے راشٹرپتی نیلائم میں 17 سے 21 دسمبر تک قیام کریں گی۔ انہوں نے کہا کہ صدر جمہوریہ دروپدی مرمو کے موسم سرما میں قیام سے متعلق عہدیداروں کو ہدایت دی گئی ہے کہ وہ صدر جمہوریہ کے دورہ کے لئے مربوط اور وسیع انتظامات کریں اور محکمہ پولیس کو سیکورٹی اور ٹریفک پلان تیار کرنے کی ہدایت دی گئی ہے۔ انہوں نے بتایا کہ صدر جمہوریہ 19 دسمبر کو راموجی فلم سٹی میں ایک خصوصی تقریب میں شرکت کریں گی۔ 20 دسمبر کو، وہ گچی باؤلی میں برہما کماری کے شانتی سروور کے زیر اہتمام ایک پروگرام میں شرکت کریں گی۔ اس کے بعد وہ 21 دسمبر کو راشٹرپتی نیلائم میں منعقد ایک گھر پر ہونے والے پروگرام میں شرکت کریں گی۔ مرمو 22 تاریخ کی شام کو خصوصی پرواز سے دہلی کے لیے واپس روانہ ہوجائیں گی ۔

ہندوستھان سماچار

ہندوستان سماچار / محمدعبدالخالق