کٹنی میں مائننگ کاروباری اشوک وشوکرما کے ٹھکانوں پر انکم ٹیکس محکمے کا چھاپہ

کٹنی، 17 دسمبر (ہ س)۔ محکمہ انکم ٹیکس نے بدھ کی علی الصبح مدھیہ پردیش کے کٹنی میں بھارتیہ جنتا پارٹی (بی جے پی) کے رہنما اور ضلع پنچایت کے نائب صدر اشوک وشوکرما اور ان کے بھائی شنکر لال وشوکرما کے گھر پر چھاپہ مارا۔۔ محکمے کی ٹیم نے ایک ساتھ گھر، دفتر اور دیگر احاطوں پر دبش دے کر سرچنگ شروع کی ہے۔ فی الحال ٹیم دستاویزات، ڈیجیٹل ریکارڈ اور لین دین کی جانچ میں مصروف ہے۔ یہ کارروائی آمدنی سے زیادہ جائیداد اور ٹیکس چوری کی شکایتوں کی بنیاد پر کی جا رہی ہے۔

جانکاری کے مطابق، بھوپال، اندور اور جبل پور سے آئے انکم ٹیکس محکمے کے 50 سے زیادہ افسران و ملازمین بدھ کی صبح تقریباً 4 بجے کٹنی پہنچے اور بی جے پی رہنما اشوک وشوکرما کے ٹھکانوں پر کارروائی شروع کی۔ کارروائی خفیہ طریقے سے کی جا رہی ہے۔ مقامی پولیس کو بھی سیکورٹی انتظام کے لیے آخری وقت پر مطلع کیا گیا۔ انکم ٹیکس محکمے کی الگ الگ ٹیموں نے وشوکرما خاندان کے کئی تجارتی اور ذاتی ٹھکانوں پر ایک ساتھ چھاپے ماری کی۔ ان میں جالپا دیوی وارڈ، گوتم محلہ واقع 3 مکان اور مین آفس شامل ہیں۔ اس کے علاوہ، ٹکریا واقع باکسائٹ کانیں، مائننگ سے جڑے دیگر ٹھکانے، برگواں واقع ہوٹل احاطے اور شہر میں واقع پانی کی فیکٹری میں بھی دبش دی گئی۔ افسران نے ان سبھی مقامات پر کسی کے بھی اندر یا باہر آنے جانے پر پابندی لگا دی ہے۔

جانچ کا اہم فوکس ’آمدنی سے زیادہ جائیداد‘ اور مائننگ کاروبار میں ہوئے ٹرن اوور پر ہے۔ ٹیمیں بینک کھاتوں، لاکر، زمین کے دستاویزات اور گزشتہ کچھ برسوں کے انکم ٹیکس ریٹرن کا باریکی سے ملان کر رہی ہیں۔ بتایا جا رہا ہے کہ بھاری مقدار میں ڈیجیٹل ڈیٹا اور فائلیں بھی ضبط کی گئی ہیں۔ فی الحال، انکم ٹیکس محکمے کے افسران نے کوئی بھی سرکاری بیان دینے سے انکار کیا ہے۔ ضبط کردہ دستاویزات کی تعداد اور ٹھکانوں کی توسیع کو دیکھتے ہوئے اندازہ ہے کہ جانچ لمبی چل سکتی ہے۔

ہندوستھان سماچار

---------------

ہندوستان سماچار / انظر حسن