نئی دہلی، 17 دسمبر (ہ س)۔ ہندوستان اور عمان جمعرات کو مسقط میں آزاد تجارتی معاہدے پر دستخط کریں گے۔ معاہدے کا مقصد دونوں ممالک کے درمیان اقتصادی تعلقات کو فروغ دینا ہے۔ عمان جی سی سی ممالک میں ہندوستان کا تیسرا سب سے بڑا برآمدی مقام ہے۔
سرکاری ذرائع نے بدھ کو بتایا کہ ہندوستان اور عمان جمعرات کو مسقط میں وزیر اعظم مودی کی موجودگی میں جامع اقتصادی شراکت داری کے معاہدے (سی ای پی اے) پر دستخط کریں گے۔ معاہدے کا مقصد دونوں ممالک کے درمیان تجارت، خدمات اور سرمایہ کاری کو فروغ دینا ہے۔
مرکزی تجارت اور صنعت کے وزیر پیوش گوئل آزاد تجارتی معاہدے پر دستخط کرنے مسقط پہنچے ہیں۔ ایک سینئر عہدیدار نے بتایا کہ کامرس سکریٹری راجیش اگروال بھی عمان پہنچیں گے۔ اس معاہدے پر وزیر اعظم نریندر مودی کی موجودگی میں دستخط کیے جائیں گے، جو تینوں ممالک کے چار روزہ دورے پر ہیں۔
آزاد تجارتی معاہدے کے لیے مذاکرات، جسے باضابطہ طور پر جامع اقتصادی شراکت داری معاہدہ (سی ای پی اے) کہا جاتا ہے، باضابطہ طور پر نومبر 2023 میں شروع ہوا اور اس سال اختتام پذیر ہوا۔ خلیج تعاون کونسل (جی سی سی) ممالک میں عمان ہندوستان کا تیسرا سب سے بڑا برآمدی مقام ہے۔ مالی سال 2024-25 میں ہندوستان-عمان کی دو طرفہ تجارت تقریباً 10.5 بلین ڈالر تھی۔
قابل ذکر ہے کہ وزیر اعظم نریندر مودی منگل کو اردن سے ایتھوپیا کے دارالحکومت ادیس ابابا پہنچے۔ وہ آج عدیس ابابا سے عمان کے لیے روانہ ہوں گے۔
---------------
ہندوستان سماچار / عبدالسلام صدیقی
