پنجی (گوا)، 17 دسمبر (ہ س): ورلڈ لیجنڈز پرو ٹی 20 لیگ (ڈبلیو ایل پی ٹی ایل) نے بدھ کو باضابطہ طور پر چار کھلاڑیوں کو اپنے روسٹر میں شامل کرنے کی تصدیق کی۔ یہ کھلاڑی سری لنکن کرکٹ کے سابق کپتان تلکارتنے دلشان، جنوبی افریقہ کے کھلاڑی فاف ڈو پلیسس، افغانستان کے سابق کھلاڑی اصغر افغان اور سابق ہندوستانی لیگ اسپنر راہل شرما ہیں۔

ان کھلاڑیوں کے شامل ہونے سے افتتاحی سیزن میں شرکت کرنے والے کھلاڑیوں کی مجموعی تعداد 18 ہو گئی ہے جن میں ایشیا، افریقہ، یورپ اور اوشیانا کے کرکٹرز شامل ہیں۔ ڈبلیو ایل پی ٹی ایل میں کل 90 کھلاڑی حصہ لیں گے جنہیں چھ ٹیموں میں ڈرافٹ کیا جائے گا۔ یہ ٹورنامنٹ 26 جنوری کو گوا کے ورنہ کے نئے 1919 کرکٹ اسٹیڈیم میں شروع ہوگا۔ کئی بڑے ناموں کی پہلے ہی تصدیق ہوچکی ہے، جن میں شین واٹسن، ڈیل اسٹین، جیک کیلس، کرس گیل، شان مارش جیسے بین الاقوامی لیجنڈز کے علاوہ ہندوستانی سپر اسٹار شیکھر دھون، دنیش کارتک اور ہربھجن سنگھ شامل ہیں۔

منتظمین کے مطابق، ان چار بین الاقوامی ستاروں کی شمولیت سے ڈبلیو ایل پی ٹی ایل کی مسابقتی گہرائی اور مداحوں کی اپیل دونوں میں مزید اضافہ ہوتا ہے۔ دلشان اور ڈو پلیسس کی جارحانہ بلے بازی سے لے کر اصغر افغان کی حکمت عملی اور راہل شرما کے جادوئی اسپن تک، لیگ میں دلچسپ اور اعلیٰ توانائی والی کرکٹ دکھائی جائے گی۔

---------------

ہندوستان سماچار / عبدالسلام صدیقی