ادیس ابابا (ایتھوپیا)، 17 دسمبر (ہ س)۔ ہندوستان کے وزیر اعظم نریندر مودی نے ایتھوپیا کے نیشنل پیلیس میوزیم کا دورہ کرنے کے بعد ایکس پر تبصرہ کیا، ”ادیس ابابا میں نیشنل پیلیس میوزیم میں مجھے ایتھوپیا کی تاریخ اور ثقافت کی جھلک دکھانے کے لیے وزیر اعظم ابی احمد علی کا شکریہ۔ یہ ایتھوپیا کی خوش حال روایات کی ایک مضبوط یاد دلاتا ہے۔“
وزیر اعظم مودی نے دیگر ایکس پوسٹ میں کہا، ”مستقبل انہی شراکت داریوں کا ہوتا ہے جو ویژن اور اعتماد پر مبنی ہوں۔ ہم ایتھوپیا کے ساتھ مل کر ایسے تعاون کو آگے بڑھانے کے لیے پرعزم ہیں جو بدلتے عالمی چیلنجز کا حل بھی کرے اور نئے امکانات کی تعمیر بھی کرے...۔“
انہوں نے کہا، ”آج جب پوری دنیا کی نظر گلوبل ساوتھ پر ہے، ایسے میں ایتھوپیا کی خودداری، آزادی اور عزت نفس کی طویل روایت ہم سب کے لیے مضبوط ترغیب ہے۔“
وزیر اعظم مودی نے کہا، ”مجھے دی گریٹ آنر نشان آف ایتھوپیا کے طور پر اس ملک کا اعلیٰ ترین اعزاز دیا گیا ہے۔ دنیا کی انتہائی قدیم اور مالا مال تہذیب کے ذریعے اعزاز سے نوازا جانا میرے لیے بہت فخر کی بات ہے۔ اس سے پہلے وزیر اعظم نریندر مودی نے ایتھوپیا کے وزیر اعظم ڈاکٹر ابی احمد علی کے ساتھ دو طرفہ بات چیت کی اور اس دوران ہندوستان اور ایتھوپیا نے اپنے تعلقات کو اسٹریٹجک پارٹنرشپ کی سطح تک بڑھانے پر اتفاق ظاہر کیا۔
وزیر اعظم مودی تین ملکوں کے چار روزہ دورے کے دوسرے مرحلے کے تحت منگل کو ایتھوپیا پہنچے۔ ایتھوپیا کے وزیر اعظم ڈاکٹر ابی احمد علی نے ادیس ابابا انٹرنیشنل ایئرپورٹ پر مودی کا استقبال کیا۔ وہ مودی کو اپنی گاڑی میں بٹھا کر ہوٹل تک بھی لے گئے۔
وزیر اعظم مودی نے کہا کہ حالانکہ یہ ان کا پہلا دورہ ہے، پھر بھی انہیں اپنے پن اور قربت کا گہرا احساس ہوا، جو دونوں ملکوں کے درمیان ہزاروں برسوں کے تعلقات کو ظاہر کرتا ہے۔ انہوں نے کہا، ”یہ تعلقات ہمارے لوگوں کے درمیان گہری دوستی، تعاون اور باہمی احترام کو شکل دیتے رہتے ہیں۔“
اس سے قبل، علی نے مودی کو سائنس میوزیم اور میتری پارک کا دورہ کروایا۔
ایتھوپیا کے دورے کے دوران وزیر اعظم ملک کی پارلیمنٹ کے مشترکہ اجلاس سے بھی خطاب کریں گے۔ ایتھوپیا میں مودی تارکین وطن ہندوستانی کمیونٹی کے اراکین سے بھی ملاقات کریں گے۔ ادیس ابابا افریقی یونین کا ہیڈ کوارٹر بھی ہے۔ 2023 میں ہندوستان کی جی-20 صدارت کے دوران، افریقی یونین کو جی-20 کے مستقل رکن کے طور پر شامل کیا گیا تھا۔ وزیر اعظم 3 ملکوں کے دورے کے تیسرے مرحلے کے تحت ایتھوپیا سے عمان جائیں گے۔
ہندوستھان سماچار
---------------
ہندوستان سماچار / انظر حسن
