گوہاٹی، 17 دسمبر (ہ س)۔ لوک پریہ گوپی ناتھ بردلے بین الاقوامی ہوائی اڈہ ملک کے 10 بڑے ہوائی اڈوں میں اپنی منفرڈ شناخت قائم کرنے کی راہ پر گامزن ہے۔ وزیر اعظم نریندر مودی 20 دسمبر کو جدید ترین سہولیات سے آراستہ ہوائی اڈے کے نئے ٹرمینل کا افتتاح کریں گے۔ تقریباً 6,000 کروڑ روپے کی لاگت سے تعمیر ہونے والے اس ٹرمینل کو آسام اور پورے شمال مشرقی خطے کے لیے ایک اہم کامیابی سمجھا جاتا ہے۔

نیا ٹرمینل بانس اور کوپو پھول(کاٹن فلاوور) سے متاثر ایک پرکشش ڈیزائن میں تیار کیا گیا ہے، جو روایتی آسامی فن تعمیر کی عکاسی کرتا ہے، جو جدید ٹیکنالوجی اور مقامی ثقافت کا خوبصورت امتزاج پیش کرتا ہے۔ اعلی درجے کے حفاظتی اقدامات کے پیش نظر گوپی ناتھ بردولے بین الاقوامی ہوائی اڈہ کو ملک کے محفوظ ترین ہوائی اڈوں میں سے ایک ہوگا۔

عام مسافروں کے لیے فضائی خدمات 19 فروری سے نئی ٹرمینل بلڈنگ سے شروع ہوں گی، جو مسافروں کو بہتر سہولیات اور زیادہ صلاحیت فراہم کرے گی۔اپنے دورے کے دوران وزیر اعظم مودی مختلف ترقیاتی منصوبوں کا افتتاح اور سنگ بنیاد بھی رکھیں گے۔ اس کے علاوہ دریائے برہم پترا پر ’’چرائیدیو‘‘ نامی جہاز پر سوار ہوکر’’پریکشا پہ چرچا‘‘ پروگرام میں حصہ لیں گے۔ 21 دسمبر کو گوہاٹی میں منعقد ہونے والے اس خصوصی اور منفرد پروگرام میں پچیس طلبہ شرکت کریں گے۔

ہندوستھان سماچار

ہندوستان سماچار / محمد شہزاد