نئی دہلی، 16 دسمبر (ہ س) ۔

ہندوستان میں امریکی سفارت خانے نے نوئیڈا میں امریکی شہریوں کو نشانہ بنانے والی بین الاقوامی سائبر کرائم رِنگ کا پردہ فاش کرنے اور چھ مشتبہ افراد کو گرفتار کرنے پر سی بی آئی کی تعریف کی ہے۔ سفارتخانے نے اپنے آفیشل ٹویٹر ہینڈل پر لکھا کہ یہ ہندوستان-امریکہ شراکت داری کی ایک روشن مثال ہے۔

امریکی سفارت خانے نے اپنی پوسٹ میں کہا کہ سی بی آئی نے ایف بی آئی کے ساتھ مل کر ایسے مجرموں کو پکڑا جنہوں نے ٹیک سپورٹ اسکام کے ذریعے امریکی شہریوں کو 8.5 ملین ڈالر کا دھوکہ دیا اور ان کی غیر قانونی رقم ضبط کی۔ دونوں ممالک کے درمیان مضبوط قانون نافذ کرنے والی شراکت داری شہریوں کے تحفظ کو یقینی بناتی ہے۔

ہندوستھان سماچار

ہندوستان سماچار / عطاءاللہ