کولکاتہ، 16 دسمبر (ہ س)۔

وجے دیوس کے موقع پر، منگل کو کولکاتہ کے وجے درگ میں آرمی کے ایسٹرن کمانڈ ہیڈ کوارٹر میں 1971 کی ہندوستان-پاکستان جنگ میں عظیم قربانی دینے والے فوجیوں کو خراج عقیدت پیش کیا گیا۔ تقریب میں مغربی بنگال کے گورنر ڈاکٹر سی وی آنند بوس، میزورم کے گورنر جنرل وی کے سنگھ (ریٹائرڈ)، مشرقی کمان کے آرمی کمانڈر لیفٹیننٹ جنرل آر سی تیواری، ہندوستانی سابق فوجی، ہندوستانی مسلح افواج کے افسران، اور ایک بنگلہ دیشی وفد شامل ہوا۔

بنگلہ دیش کے وفد میں محمد حبیب العالم، میجر الیککمار گپتا (ریٹائرڈ)، میجر قمر العابدین (ریٹائرڈ)، میجر منیش دیوان (ریٹائرڈ)، میجر محمد عبدالحکیم (ریٹائرڈ)، بریگیڈیئر جنرل محمد لطف الرحمان، میجر شیر شہباز، اور بریگیڈیئر جنرل محمد حفیظ الرحمن شامل تھے۔ رحمان نے بنگلہ دیشی وفد کی قیادت کی۔ انہوں نے ایک ساتھ مل کر 1971 کی جنگ آزادی میں شہید ہونے والے ہندوستانی اور بنگلہ دیشی جنگجوو¿ں کو خراج عقیدت پیش کیا۔

اس موقع پر میزورم کے گورنر وی کے سنگھ نے کہا کہ 16 دسمبر ایک تاریخی دن ہے جب ہندوستانی مسلح افواج اور بنگلہ دیش کے مجاہدین آزادی جنگجوو¿ں نے فیصلہ کن فتح حاصل کی۔ یہ فتح محض ایک فوجی کامیابی نہیں تھی بلکہ جرات، قربانی اور انصاف کی فتح کی علامت تھی۔ انہوں نے کہا کہ بنگلہ دیش کو اس تاریخ کو ہمیشہ یاد رکھنا چاہیے۔

مغربی بنگال کے گورنر ڈاکٹر سی وی آنند بوس نے کہا کہ وجے دیوس پاکستانی مظالم کے خلاف ہندوستان کی سخت کارروائی کی علامت ہے۔ اس موقع پر دونوں ممالک کے لیے لڑتے ہوئے جانیں قربان کرنے والوں کو ہمیشہ یاد رکھا جانا چاہیے۔ یہ تقریب ان کے اعزاز میں ہے۔

قابل ذکر ہے کہ وجے درگ میں وجے دیوس کی یاد میں ایک ہفتہ طویل پروگرام منعقد کیا جاتا ہے۔ اس کا آغاز 7 دسمبر کو کرٹرن ریزرکے ساتھ ہوا۔ 15 دسمبر کو کولکاتہ کے تاریخی ریس کورس گراو¿نڈز میں فوجی طاقت کا شاندار مظاہرہ منعقد کیا گیا، جہاں ہندوستانی فوج کے بہادر سپاہیوں نے گھڑ سواری، اسکائی ڈائیونگ، فلائی فاسٹ اور کامبیٹ کے شاندار مظاہرے دکھائے۔

ہندوستھان سماچار

ہندوستان سماچار / عطاءاللہ