نئی دہلی، 16 دسمبر (ہ س)۔

سابق مرکزی وزیر اور رکن پارلیمنٹ انوراگ سنگھ ٹھاکر نے کہا کہ ہندوستان 2036 کے اولمپک کھیلوں کی میزبانی کے لیے پوری طرح تیار ہے۔

منگل کو پارلیمنٹ ہاو¿س میں نامہ نگاروں سے خطاب کرتے ہوئے انوراگ ٹھاکر نے کہا کہ جب 2014 میں وزیر اعظم مودی کی قیادت میں این ڈی اے کی حکومت بنی تھی تو کھیلوں کے بارے میں حکومت کا موقف پہلے دن سے ہی واضح تھا۔ کھلاڑی ملک کے لیے کھیلتے ہیں اس لیے ان کی تربیت اور ضروریات کو پورا کرنا ہمارا فرض ہے۔ حکومت کا واضح خیال ہے کہ بھارت کھیلے گا اور بھارت ترقی کرے گا۔ ہم پہلے ہی کھیلوں میں سرفہرست پانچ میں شامل ہونے کی طرف بڑھ چکے ہیں، اور 2030 تک، ہندوستان کی کھیلوں کی صنعت 120 بلین تک پہنچ جائے گی۔ آج، ہندوستان اپنی صلاحیت کے بل بوتے پر 2036 کے اولمپک کھیلوں کی میزبانی کے لیے تیار ہے۔

انوراگ سنگھ ٹھاکر نے کہا کہ جب وزارت نوجوانان اور کھیل کو تقریباً 800 کروڑ روپے کا بجٹ مختص کیا جاتا تھا، آج یوتھ اور کھیل کی وزارت کا کل بجٹ 3,794.30 کروڑ روپے ہے۔ ملک بھر میں خواتین کے کھیلوں کو فروغ دینے کے لیے، اسمیتا یوجنا کے تحت 20 کھیلوں کے مقابلوں کا انعقاد کیا گیا، جس میں کل 766 مقابلوں میں 83,763 خواتین کھلاڑیوں نے حصہ لیا۔

ہندوستان سماچار / عطاءاللہ