۔34 نکسلیوں میں سے 25 پر 84 لاکھ روپے کے انعام کا اعلان کیا گیا تھا

بیجاپور/رائے پور، 16 دسمبر (ہ س)۔ چھتیس گڑھ میں سیکورٹی فورسز کو ایک بڑی کامیابی ملی ہے۔ ایک بار پھر، منگل کو بڑی تعداد میں نکسلیوں نے پولیس افسران کے سامنے خودسپردگی کی۔ ان نکسلیوں میں سے 25 پر کل 84 لاکھ روپے کے انعام کا اعلان کیا گیا تھا۔

بیجاپور ضلع کے پولیس سپرنٹنڈنٹ ڈاکٹر جتیندر یادو نے کہا کہ حکومت کی اہم اسکیم پونا مارگیم اور پنرواس نیتی سے متاثر ہوکر 34 نکسلیوں نے آج خودسپردگی کی۔ ہتھیار ڈالنے والے نکسلیوں میں 7 خواتین اور 27 مرد شامل ہیں۔ انہوں نے کہا کہ پانچ نکسلیوں پر آٹھ-آٹھ لاکھ روپے کا انعام تھا جبکہ تین نکسلیوں پر پانچ-پانچ لاکھ روپے کا انعام تھا۔اس کے علاوہ دس نکسلیوں پر دو-دو لاکھ روپے اور سات نکسلیوں پر ایک -ایک لاکھ روپے کے انعام کا اعلان کیا گیا تھا۔

ان میں کیرل پال ایریا کمیٹی، پی ایل جی اے اور ملیشیا کے ارکان اور کمانڈر شامل ہیں۔ خود سپردگی کے اس اہم عمل میں ڈی آر جی، ڈسٹرکٹ فورس، ایس ٹی ایس، کوبرا، اور سی آر پی ایف فورسز نے خاص کردار ادا کیا۔

پولیس سپرنٹنڈنٹ نے بتایا کہ یکم جنوری 2024 سے اب تک 824 نکسلائیٹ مرکزی دھارے میں واپس آئے ہیں اور 1,079 کو گرفتار کیا گیا ہے۔ اس کے علاوہ انکاؤنٹر میں 220 نکسلائیٹس مارے گئے ہیں۔

نکسلیوں نے سی آر پی ایف کے ڈی آئی جی بی ایس نیگی، سپرنٹنڈنٹ آف پولیس ڈاکٹر جتیندر یادو، ایڈیشنل سپرنٹنڈنٹ آف پولیس یولینڈن یارک، ڈی ایس پی شرد جیسوال، ڈپٹی سپرنٹنڈنٹ آف پولیس ونیت ساہو، اور دیگر عہدیداروں کے سامنے خودسپردگی کی۔ بیجاپور کے ایس پی ڈاکٹر جتیندر یادو نے بتایا کہ ہتھیار ڈالنے والے تمام 34 ماؤنواز فائرنگ، آئی ای ڈی دھماکے اور آتش زنی جیسے واقعات میں ملوث تھے۔ پولیس کے سامنے خودسپردگی کرنے والے تمام ماؤنوازوں کو ہر ایک کو 50,000 روپے کی نقد فراہم کی گئی ہے۔

ہندوستھان سماچار

ہندوستان سماچار / محمد شہزاد