نئی دہلی، 15 دسمبر (ہ س)۔ وزیر اعظم نریندر مودی اور وزیر داخلہ امت شاہ نے چنئی میں منعقدہ ایس ڈی اے ٹی اسکواش ورلڈ کپ میں ہندوستانی اسکواش ٹیم کی جیت پر سوشل میڈیا پلیٹ فارم ایکس پر ہم وطنوں کو مبارکباد دی۔ ہندوستان نے اتوار کو کھیلے گئے فائنل میچ میں ہانگ کانگ کو 0-3 سے شکست دے کر پہلی بار یہ باوقار خطاب جیتا۔ اس شاندار فتح کے ساتھ ہی ہندوستانی ٹیم پہلی بار اسکواش ورلڈ کپ کی چیمپئن بن گئی۔ ہندوستانی ٹیم کو مبارکباد دیتے ہوئے وزیر اعظم نریندر مودی نے کہا، ہندوستانی اسکواش ٹیم کو پہلی بار ورلڈ کپ جیتنے پر دلی مبارکباد۔ جوشنا چنپا، ابھے سنگھ، ویلوان سینتھل کمار، اور اناہت سنگھ نے غیر معمولی لگن اور عزم کا مظاہرہ کیا ہے۔ ان کی کامیابی سے پوری قوم کا سر فخر سے بلند ہوگا اور نوجوانوں میں مقبولیت میں بھی اضافہ ہوگا۔ مرکزی وزیر داخلہ امت شاہ نے کہا کہ پہلی بار اسکواش ورلڈ کپ جیت کر ٹیم انڈیا نے ملک کے لیے شاندار تاریخ رقم کی ہے۔ سخت ترین حریفوں کو شکست دینے میں ناقابل تسخیر کھیل اور مہارت کا مظاہرہ آنے والے ٹیلنٹ کے لیے تحریک کا کام کرے گا۔

ہندوستھان سماچار

---------------

ہندوستان سماچار / عبدالواحد