ناسک ، 15 دسمبر(ہ س)۔

سمردھی ایکسپریس وے پر ناسک

ضلع کے سنار تعلقہ میں اتوار کو ایک افسوسناک سڑک حادثہ پیش آیا، جس میں ایک بھائی

اور بہن جاں بحق ہو گئے، جبکہ چھ بچوں سمیت نو دیگر افراد شدید زخمی ہو گئے۔ حادثہ

پٹولے شیوار کے قریب پیش آیا اور اس کی وجہ گاڑی کا ٹائر پھٹ جانا بتائی جا رہی

ہے۔

پولیس

ذرائع کے مطابق کلیان سے تعلق رکھنے والے نیلیش بکانے (38) اور ان کی بہن ویشالی گھوسلے

(35) اپنے رشتہ داروں کے ساتھ ایک شادی کی تقریب میں شرکت کے لیے فردا پور، سنار

تعلقہ جا رہے تھے۔ وہ سب ایک کِیا کار میں سوار تھے، جس میں مجموعی طور پر 11

افراد موجود تھے۔

پٹولے شیوار

کے قریب پہنچتے ہی کار کا ایک ٹائر اچانک پھٹ گیا، جس کے باعث ڈرائیور گاڑی پر

قابو نہ رکھ سکا۔ بے قابو کار آگے چل رہی ایک بھاری گاڑی سے ٹکرا گئی، جس سے گاڑی

میں سوار تمام افراد زخمی ہو گئے۔ ٹکر کی آواز سن کر آس پاس کے افراد فوراً موقع

پر پہنچ گئے۔

مقامی

لوگوں نے فوری طور پر سمردھی ایکسپریس وے پولیس کی کیو آر وی ٹیم اور ایمرجنسی

خدمات کو اطلاع دی۔ زخمیوں کو جائے حادثہ سے نکال کر 108 ایمبولینس اور ہائی وے ایمبولینس

کے ذریعے سنار کے اسپتال منتقل کیا گیا۔

اسپتال

میں علاج کے دوران نیلیش بکانے کی موت ہو گئی، جبکہ کچھ ہی دیر بعد ویشالی گھوسلے

بھی جانبر نہ ہو سکیں۔ پولیس نے بتایا کہ زخمیوں میں شامل بعض افراد کی حالت نازک

ہے، جنہیں بہتر علاج کے لیے ناسک کے ایک نجی اسپتال میں ریفر کیا گیا ہے۔ حادثے کی

وجوہات اور بھاری گاڑی کی شناخت کے سلسلے میں پولیس مزید تفتیش کر رہی ہے۔

ہندوستھان

سماچار

ہندوستان سماچار / جاوید این اے