تاریخ میں 15 دسمبر کی تاریخ ہندوستان کی یکجہتی اور سالمیت کے عظیم معمار سردار ولبھ بھائی پٹیل کی برسی کے طور پر درج ہے۔ مرد آہن سردار پٹیل نے اپنے پختہ عزم، سیاسی سوجھ بوجھ اور سفارتی مہارت سے آزادی کے بعد ہندوستان کو ایک لڑی میں پرونے میں فیصلہ کن کردار ادا کیا۔

31 اکتوبر 1875 کو گجرات کے کھیڑا ضلع میں ایک کسان کنبے میں پیدا ہوئے سردار پٹیل جنگ آزادی کے اہم رہنماوں میں شامل رہے۔ آزاد ہندوستان کے پہلے نائب وزیر اعظم اور وزیر داخلہ کے طور پر انہوں نے سینکڑوں ریاستوں کا ہندوستان میں انضمام کر کے ملک کی موجودہ جغرافیائی شکل کو تشکیل دیا۔ ان کی قیادت میں رجواڑوں کا پرامن انضمام ہندوستانی تاریخ کی سب سے بڑی سیاسی کامیابیوں میں شمار ہوتا ہے۔

سردار پٹیل کی شناخت ایک سخت لیکن دور اندیش ایڈمنسٹریٹر کے طور پر رہی، جنہوں نے قومی یکجہتی کو سب سے اوپر مانا۔ ان کی پالیسیوں اور فیصلوں نے نو آزاد ہندوستان کو استحکام فراہم کیا اور ایک مضبوط انتظامی ڈھانچے کی بنیاد رکھی۔

ملک کو دیے گئے ان کے بے مثال تعاون کے لیے انہیں بعد از مرگ بھارت رتن سے نوازا گیا۔ 15 دسمبر 1950 کو انہوں نے آخری سانس لی، لیکن ان کے خیالات اور اصول آج بھی تعمیر وطن کی ترغیب بنے ہوئے ہیں۔

سردار پٹیل کی یاد میں گجرات میں نرمدا ندی کے قریب ’اسٹیچو آف یونٹی‘ کا قیام کیا گیا ہے، جسے دنیا کا سب سے اونچا مجسمہ مانا جاتا ہے۔ یہ مجسمہ نہ صرف ان کی شخصیت کی عظمت کی علامت ہے، بلکہ ملک کی یکجہتی اور سالمیت کے تئیں ان کے عزم کا بھی مضبوط اظہار ہے۔

برسی کے موقع پر ملک بھر میں انہیں خراج عقیدت پیش کیا جا رہا ہے اور ان کی زندگی سے ترغیب لے کر قومی یکجہتی کو اور مضبوط کرنے کا عزم دہرایا جا رہا ہے۔

دیگر اہم واقعات:

1794 - فرانس میں انقلابی ٹریبونل کو ختم کر دیا گیا۔

1803 - ایسٹ انڈیا کمپنی نے اڑیسہ (اب اڈیشہ) پر قبضہ کیا۔

1911 - بنارس ہندو یونیورسٹی سوسائٹی کا قیام ہوا۔

1916 - پہلی جنگ عظیم کے دوران ویردون میں ہوئی لڑائی میں فرانس نے جرمنی کو ہرایا۔

1917 - مالدووین جمہوریہ نے روس سے آزاد ہونے کا اعلان کیا۔

1953 - ہندوستان کی ایس وجے لکشمی پنڈت اقوام متحدہ جنرل اسمبلی کے 8 ویں اجلاس کی پہلی خاتون صدر منتخب ہوئیں۔

1965 - بنگلہ دیش میں گنگا ندی کے ساحل پر آئے طوفان میں 15,000 لوگوں کی موت ہوئی۔

1976 - نیوزی لینڈ سے آزاد ہوا ساموا اقوام متحدہ کا رکن بنا۔

1982 - اسپین نے جبرالٹر کی سرحد کو کھول دیا۔ اسپین کی نئی سوشلسٹ حکومت نے انسانی بنیاد پر آدھی رات کو یہ دروازے کھول کر اسپین اور جبرالٹر کے لوگوں کے درمیان کی دیوار کو ختم کر دیا۔

1988 - ہندوستانی خاتون پہلوان گیتا پھوگاٹ پیدا ہوئیں۔

1991 - جانے مانے فلم ساز ستیہ جیت رے سنیما دنیا میں ان کی کامیابیوں کے لیے اسپیشل آسکر سے نوازا گیا۔

1993 - جنیوا میں گیٹ (تجارت اور ٹیرف پر عام معاہدہ) ورلڈ ٹریڈ معاہدے پر 126 ممالک کے ذریعے دستخط۔

1995 - یورپی یونین کے رہنماوں میں مجموعی مربوط یورپ کی کرنسی یورو کے لیے رضامندی۔

1997 - اقوام متحدہ جنرل اسمبلی کے ذریعے کسی عوامی مقام، گاڑی یا دفتر پر شدت پسندوں کے ذریعے کیے جانے والے دھماکوں کو غیر قانونی قرار دیے جانے کی تجویز منظور۔

1997 - جینیٹ روزن برگ جیگن گیانا کی صدر منتخب ہوئیں۔ وہ ملک کی پہلی منتخب خاتون صدر ہونے کے ساتھ ہی گیانا کی پہلی سفید فام صدر تھیں۔

1997 - ارندھتی رائے کو ان کے ناول ’دی گاڈ آف اسمال تھنگس‘ کے لیے برطانیہ کے سب سے باوقار ادبی ایوارڈ ’بکر ایوارڈ‘ سے نوازا گیا۔

2000 - چرنوبل ری ایکٹر ہمیشہ کے لیے بند۔

2001 - اٹلی میں پیسا کی جھکی مینار کو 11 سال بند رہنے کے بعد دوبارہ کھولا گیا۔

2003 - بھوٹان حکومت نے اپنے یہاں سرگرم ہندوستانی علیحدگی پسندوں کے خلاف کارروائی شروع کی۔

2005 - عراق میں نئی حکومت کی تشکیل کے لیے ووٹنگ مکمل۔

2007 - پاکستان میں ایمرجنسی سول قانون نافذ۔

2008 - مرکزی کابینہ نے دہشت گردانہ واردات سے نمٹنے کے لیے نیشنل انویسٹی گیشن ایجنسی کے قیام کی تجویز کو منظوری دی۔

2010 - آسٹریلیا کے کرسمس جزیرے کے پاس 90 پناہ گزینوں کو لے جا رہی ایک کشتی کے حادثے کا شکار ہونے سے 48 لوگوں کی موت ہوئی۔

2011 - عراق جنگ کا رسمی اختتام۔ امریکہ نے ملک میں اپنا مشن ختم کرنے کا اعلان کیا۔

2014 – سڈنی کے ایک کیفے میں ایک شخص ہارون مونس نے لوگوں کو 16 گھنٹے تک یرغمال بنایا۔ پولیس کارروائی میں مونس کے علاوہ 2 دیگر بھی مارے گئے۔

2024 - مشہور طبلہ نواز ذاکر حسین کا سان فرانسسکو میں انتقال۔

ہندوستھان سماچار

---------------

ہندوستان سماچار / انظر حسن