جودھ پور، 13 دسمبر (ہ س)۔

راجستھان ہائی کورٹ ڈویژن بنچ کے سینئر جسٹس ونیت ماتھر اور جسٹس آنند شرما نے راجستھان ہائی کورٹ کی پرنسپل سیٹ جودھپور میں ہونے سے مرکزی حکومت سے مکمل امید جتائی ہے کہ جودھپور میں کئی سال پہلے شروع ہو کر بند کر دی گئی نیشنل گرین ٹریبونل( این جی ٹی) جلد ہی پھر سے شروع کرنے کاانتظام کرے اور مرکزی حکومت کے دیگر ٹریبونل اپلیٹ اتھارٹی اور بورڈ وغیرہ کی بینچ جودھپور میں شروع کرنے کے لئے اضافہ حلف نامہ پیش کریں۔ انہوں نے جودھپور میں اس کے دائرہ اختیار کے تحت ریاستی سول سروسز ٹریبونل کی تمام زیر التواء فائلوں کو جودھپور میں اس کی مستقل بنچ کو منتقل کرنے کا حکم دیا اور اگلی سماعت 27 جنوری کو مقرر کی۔

راجستھان ہائی کورٹ ایڈوکیٹ ایسوسی ایشن کی طرف سے دائر مفاد عامہ کی عرضی پر بحث کرتے ہوئے سینئر وکیل آنند پروہت اور ایڈوکیٹ انیل بھنڈاری نے دلیل دی کہ ریاستی سول سروسز اپیلٹ ٹریبونل کے جودھپور مستقل بنچ کے عدالتی رکن کی تقرری پر، جودھپور کے دائرہ اختیار کے تحت تمام زیر التوا مقدمات کو فوری طور پر جودھ پور منتقل کیا جانا چاہیے۔

انہوں نے کہا کہ جودھ پور میں نیشنل گرین ٹریبونل (این جی ٹی) کو کئی سال پہلے غیر ضروری طور پر بند کر دیا گیا تھا، اور اب رہائشیوں کو بھوپال جانا پڑتا ہے۔ دو دہائیاں قبل حکومت ہند نے جودھ پور میں نیشنل کنزیومر کمیشن کا موبائل بنچ قائم کرنے کا نوٹیفکیشن جاری کیا تھا، لیکن اس پر عمل درآمد نہیں ہوا۔ ایڈوکیٹ پروہت اور بھنڈاری نے کہا کہ جودھ پور میں ڈیبٹ ریکوری ٹریبونل، اپیل ٹریبونل اور ریئل اسٹیٹ ریگولیٹری اتھارٹی (ریرا) کی بنچ کی فوری ضرورت ہے۔

حکومت ہند کی نمائندگی کرتے ہوئے سینئر ایڈوکیٹ اور ایڈیشنل سالیسٹر جنرل بھرت ویاس نے کہا کہ وہ عدالت کی روح کو مدنظر رکھتے ہوئے جودھ پور میں مرکزی حکومت کے نوٹیفائیڈ ٹریبونل، اپیلٹ ٹریبونل اور بورڈ کے موبائل بنچ کے قیام کی بامعنی کوششوں اور عمل آوری کے بارے میں ایک اضافی حلف نامہ پیش کریں گے۔

ہندوستھان سماچار

ہندوستان سماچار / عطاءاللہ