پولیس کانسٹیبل نے پھانسی لگا کر جان دی

لکھنو، 13 دسمبر (ہ س)۔ اتر پردیش کی راجدھانی لکھنو کے عالم باغ تھانہ حلقہ واقع برہا کالونی میں جمعہ کی دیر رات ایک کانسٹیبل نے پھانسی لگا کر جان دے دی۔ فروری میں اس کی شادی تھی اور وہ اپنے ساتھی ونود کے ساتھ کرائے کے کمرے میں رہتا تھا۔ پولیس نے لاش کو پوسٹ مارٹم کے لیے بھیج کر معاملے کی جانچ شروع کر دی ہے۔

عالم باغ تھانہ انچارج سبھاش چندر سروج نے بتایا کہ معاملے کی معلومات اس کے روم پارٹنر ونود نے ہی پولیس کو دی ہے۔ جمعہ کو بال کشن دن میں اپنے کمرے میں تھا اور اہل خانہ اس سے مسلسل رابطہ کرنے کی کوشش کر رہے تھے۔ فون نہیں اٹھانے پر اہل خانہ نے روم پارٹنر کو جانکاری دی۔

تھانہ انچارج نے بتایا کہ جب روم پارٹنر نے کمرے پر جا کر دیکھا تو دروازہ اندر سے بند تھا۔ آواز دینے پر ردعمل نہیں ملنے پر اس نے دروازہ توڑ کر دیکھا، جہاں بال کشن کی لاش پھانسی کے پھندے پر لٹک رہی تھی۔ اس نے فوراً پولیس کو اطلاع دی۔ معاملے کو سنجیدگی سے لے کر پولیس اور فارنسک ٹیم نے جائے وقوع سے شواہد اکٹھے کیے۔ پولیس نے مہلوک کا موبائل فون اور کمرے میں موجود ضروری سامان قبضے میں لے کر جانچ شروع کر دی ہے۔ مکان مالک راکیش سنگھ یہ کمرہ کرائے پر دیتے اور خود دیگر حصے میں رہتے ہیں۔

پولیس کے مطابق، بال کشن پہلے گومتی نگر تھانے میں تعینات تھا اور 2023 سے عالم باغ تھانے میں ڈیوٹی کر رہا تھا۔ جائے وقوعہ سے کوئی سوسائڈ نوٹ نہیں ملا ہے۔ اہل خانہ کو اطلاع دے کر آگے کی کارروائی شروع کر دی گئی ہے۔

ہندوستھان سماچار

---------------

ہندوستان سماچار / انظر حسن