نئی دہلی، 13 دسمبر (ہ س)۔ کانگریس کے رکن پارلیمنٹ ششی تھرور نے بھارتیہ جنتا پارٹی (بی جے پی) کو اپنے پارلیمانی حلقہ ترواننت پورم میں میونسپل کارپوریشن انتخابات جیتنے پر مبارکباد دی۔
ششی تھرور نے بی جے پی کی جیت کی بات کرتے ہوئے کہا کہ یہ صرف انتخابی جیت نہیں ہے بلکہ راجدھانی کی سیاست میں ایک اہم موڑ ہے۔ انہوں نے واضح کیا کہ ان کا مقصد لیفٹ ڈیموکریٹک فرنٹ (ایل ڈی ایف) کی 45 سالہ غلط حکمرانی کو ختم کرکے تبدیلی لانا ہے، لیکن ووٹروں نے اس پارٹی (بی جے پی) کو فتح دلائی جس نے واضح طور پر تبدیلی کا مطالبہ کیا تھا۔
کانگریس لیڈر نے کہا کہ یہاں کے ووٹروں نے تبدیلی کی خواہش رکھتے ہوئے یونائیٹڈ ڈیموکریٹک فرنٹ (یو ڈی ایف) پر بی جے پی کا انتخاب کیا ہے۔ عوام کے اس فیصلے کا احترام کیا جانا چاہیے۔ پارٹی ریاست کی بہتری اور عوام کی ضروریات کے لیے پرعزم ہے اور گڈ گورننس کے اصولوں کو برقرار رکھے گی۔
دریں اثنا، کانگریس لیڈر نے کیرالہ میں بلدیاتی انتخابات میں یو ڈی ایف کی جیت پر عوام کو مبارکباد دی۔
---------------
ہندوستان سماچار / عبدالسلام صدیقی
