ایل جی نے پارلیمنٹ دہشت گردانہ حملے میں شہید ہونے والے اہلکاروں کو خراجِ عقیدت پیش کیا

جموں، 13 دسمبر (ہ س)۔ جموں و کشمیر کے لیفٹیننٹ گورنر منوج سنہا نے ہفتہ کے روز 2001 میں بھارتی پارلیمنٹ پر ہونے والے دہشت گردانہ حملے میں شہید ہونے والے اہلکاروں کو خراجِ عقیدت پیش کرتے ہوئے کہا کہ قوم کے لیے ان کی بے مثال قربانی، جرات اور ایثار ہمیشہ ہر ہندوستانی کو متاثر اور حوصلہ افزائی کرتا رہے گا۔

انہوں نے کہا کہ 13 دسمبر 2001 کو ہونے والا یہ دہشت گردانہ حملہ پانچ مسلح دہشت گردوں نے انجام دیا تھا، تاہم اس وقت پارلیمنٹ سیکورٹی سروس، سی آر پی ایف اور دہلی پولیس کے جوانوں نے بروقت کارروائی کرتے ہوئے حملہ ناکام بنا دیا اور کسی بھی دہشت گرد کو پارلیمنٹ کی عمارت میں داخل ہونے نہیں دیا۔

لیفٹیننٹ گورنر منوج سنہا نے سوشل میڈیا پلیٹ فارم ایکس پر جاری اپنے پیغام میں کہا کہ ’میں 2001 میں پارلیمنٹ پر ہونے والے بزدلانہ حملے کے دوران اپنی جانوں کا نذرانہ پیش کرنے والے بہادر شہداء کو دلی خراجِ عقیدت پیش کرتا ہوں۔ ان کی بہادری، حوصلہ اور قوم کے لیے بے لوث خدمات ہمیشہ ہر ہندوستانی کو ترغیب دیتی رہیں گی۔ اس دہشت گردانہ حملے میں چھ دہلی پولیس اہلکار، پارلیمنٹ سیکورٹی سروس کے دو اہلکار، ایک مالی اور ایک ٹی وی صحافی شہید ہوئے تھے، جبکہ سیکورٹی فورسز نے جوابی کارروائی میں پانچوں دہشت گردوں کو پارلیمنٹ ہاؤس کے احاطے میں ہی ہلاک کر دیا تھا۔

ہندوستھان سماچار

--------------

ہندوستان سماچار / محمد اصغر