بھوپال، 11 دسمبر (ہ س)۔ مدھیہ پردیش میں شدید سردی کا ستم جاری ہے۔ یہاں بدھ کو کڑاکے کی سردی کا اثر دیکھنے کو ملا۔ شہڈول کا کلیان پور سردی سے کانپ اٹھا۔ یہاں سیزن میں پہلی بار کم از کم درجہ حرارت 3 ڈگری درج ہوا۔ آج جمعرات کو بھی کئی جگہوں پر سرد لہر چلنے کی تنبیہ دی گئی ہے۔ محکمہ موسمیات کا کہنا ہے کہ مدھیہ پردیش میں پورے دسمبر کڑاکے کی سردی پڑے گی۔ اس کی وجہ ہمالیائی خطے میں مسلسل ویسٹرن ڈسٹربنس کا آنا ہے۔ نیا سسٹم 13 دسمبر سے بنے گا۔ اس وجہ سے برفیلی ہوائیں لگاتار چلیں گی۔

محکمہ موسمیات کے مطابق، شمالی ہندوستان کے میدانی علاقوں میں جیٹ اسٹریم کا اثر ہے۔ یہ زمین سے 12.6 کلومیٹر کی اونچائی پر 222 کلومیٹر فی گھنٹہ کی رفتار سے بہہ رہی ہے۔ جس سے ریاست میں شدید سردی پڑ رہی ہے۔ اس کے علاوہ جموں کشمیر، ہماچل پردیش اور اتراکھنڈ میں برف باری ہو رہی ہے۔ جس سے ریاست میں سرد لہر کی صورتحال برقرار ہے۔ آج جمعرات کو بھوپال، اندور، راج گڑھ، شاجاپور اور سیہور میں سرد لہر یعنی کولڈ ویو کا الرٹ ہے۔

اس سے پہلے بدھ کو بھوپال میں لگاتار چھٹے دن بھی سرد لہر چلی۔ وہیں، بالاگھاٹ کے ملاج کھنڈ میں پارہ 22.7 ڈگری سیلسیس پر پہنچ گیا۔ نرسنگھ پور، ریوا، سیدھی، بیتول، دھار میں پارہ 26 ڈگری سے کم رہا۔ وہیں، منگل-بدھ کی رات زیادہ تر شہروں میں پارہ 10 ڈگری کے نیچے بنا رہا۔ اندور میں 5.4 ڈگری پہنچ گیا تو بھوپال میں 6.8 ڈگری سیلسیس درج کیا گیا۔ گوالیار میں 9.3 ڈگری، اجین میں 8.7 ڈگری اور جبل پور میں 9.1 ڈگری رہا۔

ریاست میں سب سے ٹھنڈا شہڈول کا کلیان پور رہا۔ یہاں سیزن میں پہلی بار کم از کم درجہ حرارت 3 ڈگری درج کیا گیا۔ امریا میں 5 ڈگری کے نیچے یعنی، 4.9 ڈگری سیلسیس درج کیا گیا۔ واحد ہل اسٹیشن پچمڑھی اور راج گڑھ میں درجہ حرارت 5.2 ڈگری رہا۔ وہیں، ریوا میں 5.8 ڈگری، ملاج کھنڈ میں 6.7 ڈگری، منڈلا-نوگاؤں میں 7 ڈگری، رائسین میں 7.4 ڈگری، چھندواڑہ میں 7.8 ڈگری، شیوپوری میں 8 ڈگری، ستنا میں 8.1 ڈگری، بیتول میں 8.2 ڈگری، کھجوراہو میں 8.4 ڈگری، دموہ میں 8.8 ڈگری، نرسنگھ پور میں 9 ڈگری، سیدھی-رتلام میں 9.2 ڈگری، ٹیکم گڑھ-گنا میں 9.5 ڈگری اور جھابوا میں 9.6 ڈگری سیلسیس درج کیا گیا۔

ہندوستھان سماچار

---------------

ہندوستان سماچار / انظر حسن