نئی دہلی، 10 دسمبر (ہ س): کانگریس کے رکن پارلیمنٹ ششی تھرور نے بدھ کو کہا کہ انہیں ویر ساورکر ایوارڈ کے بارے میں پہلے سے کوئی علم نہیں تھا اور انہوں نے اسے قبول نہیں کیا تھا۔ انہوں نے منتظمین پر ان کی اجازت کے بغیر ان کے نام کا اعلان کرکے غیر ذمہ دارانہ کام کرنے کا الزام لگایا۔

تھرور نے پوسٹ میں کہا، مجھے میڈیا رپورٹس سے معلوم ہوا کہ مجھے ویر ساورکر ایوارڈ کے لیے منتخب کیا گیا ہے، جو آج دہلی میں پیش کیا جانا تھا۔ مجھے اس اعلان کے بارے میں کل کیرالہ میں معلوم ہوا، جہاں میں بلدیاتی انتخابات میں ووٹ ڈالنے گیا تھا۔ انہوں نے مزید کہا کہ ترواننت پورم میں میڈیا سے بات کرتے ہوئے انہوں نے واضح کیا تھا کہ وہ نہ تو ایسے ایوارڈ سے واقف ہیں اور نہ ہی انہوں نے اسے قبول کیا ہے۔ اس کے باوجود جب دہلی میں آج پھر وہی سوال پوچھا گیا تو انہوں نے ایک تحریری بیان جاری کرکے صورتحال واضح کی۔

تھرور نے کہا کہ ایوارڈ کی نوعیت، اسے دینے والی تنظیم یا کسی اور سیاق و سباق کے بارے میں واضح معلومات کے بغیر، میرے کسی تقریب میں شرکت یا ایوارڈ قبول کرنے کا سوال ہی پیدا نہیں ہوتا۔

---------------

ہندوستان سماچار / عبدالسلام صدیقی