باندہ، 10 دسمبر (ہ س)۔
اتر پردیش کے ضلع باندہ میں غیر قانونی منشیات اسمگر پر لگام لگانے کے لئے چلائی جا رہی مہم کے تحت تھانہ نرینی پولیس کو ایک اہم کامیابی ملی ہے ۔
پولیس نے ایک بین ڈسٹرکٹ ملزم کو 4.2 کلو گرام غیر قانونی خشک چرس کے ساتھ گرفتار کیا ہے۔ اس کے قبضے سے اسمگلنگ میں استعمال ہونے والی موٹر سائیکل بھی برآمد کر لی گئی۔
سب انسپکٹر نیرج کمار کے مطابق کل رات گشت اور مشکوک گاڑیوں کی چیکنگ کے دوران پولیس کو ایک مخبر سے اطلاع ملی کہ ایک شخص اپنی موٹرسائیکل پر غیر قانونی گانجہ لے کر اجے گڑھ روڈ پر لاہوریٹا پل کے پاس کھڑا ہے۔ اطلاع ملتے ہی پولیس کی ایک ٹیم جائے وقوعہ پر پہنچی، ملزم کو پکڑ کر تلاشی لی۔ تلاشی کے دوران اس کے پاس سے 4.2 کلو گرام غیر قانونی خشک گانجہ برآمد ہوا۔
گرفتار اسمگلر برج کشور ولد ہری ناتھ ساکن گاﺅں گٹھاری، تھانہ پرکاش باموری، چھتر پور ضلع (مدھیہ پردیش) ہے۔ پولیس نے جائے وقوعہ سے برآمد ہونے والی چرس اور موٹر سائیکل قبضے میں لے کر ملزم کو حراست میں لے لیا۔ گرفتار کرنے والی ٹیم کے ایک رکن سب انسپکٹر نیرج کمار نے بتایا کہ ملزم کے خلاف متعلقہ دفعات کے تحت مقدمہ درج کر کے اسے عدالت میں پیش کیا گیا، جہاں سے اسے جیل بھیج دیا گیا۔
ہندوستان سماچار / عطاءاللہ
