بیلگام، 10 دسمبر (ہ س)۔

کرناٹک میں راشٹریہ سویم سیوک سنگھ (آر ایس ایس) کے پروگراموں اور جلوسوں کو دی گئی اجازت پر کانگریس قائدین بالخصوص وزیر پریانک کھڑگے کے اعتراضات کے بعد ریاستی حکومت نے اسمبلی کو تفصیلی وضاحت پیش کی ہے۔ حکومت نے واضح طور پر کہا ہے کہ اس سال ریاست میں نکالے گئے 518 جلوسوں میں سے کسی کا بھی امن و امان کی صورتحال پر کوئی منفی اثر نہیں پڑا۔

اسمبلی کے سرمائی اجلاس کے دوران بھارتیہ جنتا پارٹی (بی جے پی) کے ایم ایل اے وی سنیل کمار کی طرف سے پوچھے گئے ایک سوال کے تحریری جواب میں، ریاستی وزیر داخلہ ڈاکٹر جی پرمیشورا نے کہا کہ ان جلوسوں میں دو لاکھ سے زیادہ کارکنان نے شرکت کی، لیکن ان تقریبات کے دوران نہ تو کشیدگی بڑھی اور نہ ہی کوئی فرقہ وارانہ یا عوامی انتشار پیدا ہوا۔

کلبر گی ضلع انتظامیہ نے چٹا پور میں آر ایس ایس کے جلوس کی اجازت دینے سے انکار کرتے ہوئے امن و امان کے خدشات کا حوالہ دیا تھا۔ تاہم، حکومت نے اب واضح کیا ہے کہ کسی بھی ضلع میں آر ایس ایس کے پروگراموں کی وجہ سے امن و امان کی کوئی پریشانی نہیں ہوئی ہے۔

ہندوستھان سماچار

ہندوستان سماچار / عطاءاللہ