۔عمان اور نیوزی لینڈ کے ساتھ آزاد انہ تجارتی معاہدے کے لیے مذاکرات آخری مراحل میں

نئی دہلی/جے پور، 10 دسمبر (ہ س)۔ مرکزی تجارت و صنعت کے وزیر پیوش گوئل نے بدھ کو کہا کہ امریکہ کے ساتھ مجوزہ دو طرفہ تجارتی معاہدے پر بات چیت آگے بڑھ رہی ہے۔ٹیرف کے معاملات پر بات چیت کے لیے امریکی وفد نئی دہلی کے دو روزہ سرکاری دورے پر ہے۔ امریکہ کے ٹریڈ پر نومنتخب ناڈپٹی ٹریڈنمائندے سفیر رک سوئٹزر اس کی نمائندگی کر رہے ہیں۔

مرکزی وزیر تجارت و صنعت نے یہ بیان یہاں پرواسی راجستھانی دیوس پروگرام سے خطاب کرتے ہوئے دیا۔ گوئل نے امریکہ کے ساتھ جاری تجارتی بات چیت کے بارے میں امید ظاہر کی۔ انہوں نے کہا کہ دو طرفہ تجارتی معاہدے کے حوالے سے بات چیت اچھی طرح سے آگے بڑھ رہی ہے۔ انہوں نے کہا کہ تمام معاہدوں کے الگ الگ زاویے ہیں، جس میں کئی ڈاٹسجڑے ہیں۔ انہوں نے یہ عندیہ بھی دیا کہ جنوبی امریکی ملک چلی کے ساتھ بھی تجارتی معاہدے کے لیے بات چیت جلد مکمل ہو جائے گی۔

پیوش گوئل نے کہا کہ عمان اور نیوزی لینڈ کے ساتھ آزادانہ تجارتی معاہدوں (ایف ٹی اے) کے لیے بات چیت آخری مراحل میں ہے اور امید ہے کہ دونوں جلد ہی مکمل ہو جائیں گے۔ وزیر تجارت اور صنعت نے کہا کہ ہندوستان اور یورپی یونین کے درمیان آزادانہ تجارتی معاہدے (ایف ٹی اے) پر بات چیت آگے بڑھ رہی ہے اور معاہدے کا ایک وسیع خاکہ تیار کیا گیا ہے۔

ہندوستھان سماچار

ہندوستان سماچار / محمد شہزاد