ممبئی

، 10 دسمبر(ہ س)۔ مہاراشٹر کے گڈچرولی ضلع میں بدھ کے روز نکسلی

تحریک کو ایک بڑا دھچکا لگا، جب گیارہ اہم نکسلیوں نے پولیس کے سامنے ہتھیار ڈال دیے۔

ایکلویہ ہال میں منعقدہ اس خصوصی تقریب کی صدارت ڈائریکٹر جنرل آف پولیس رشمی شکلا

نے کی، جبکہ اس موقع پر سخت حفاظتی انتظامات کیے گئے تھے۔ خودسپردگی کرنے والوں میں

ڈویژنل کمیٹی، پلاٹون کمیٹی اور علاقہ کمیٹی سطح کے نکسلی شامل تھے، جن پر مجموعی

طور پر 82 لاکھ روپے کی انعامی رقم تھی۔ ان میں سے چار نکسلی مکمل اسلحہ اور وردی

کے ساتھ نمودار ہوئے۔

پولیس

سپرنٹنڈنٹ نیلوپٹل کے مطابق ہتھیار ڈالنے والوں میں رمیش عرف بھیما عرف باجو لیکامی

(ڈی وی سی ایم)، بھیما عرف سیتو عرف کرن ہڈما کواسی (ڈی وی سی ایم)، پوریا عرف لکی

آداما گوٹا (پی پی سی ایم)، رتن عرف سنا ماسو اویام (پی پی سی ایم)، کملا (پی پی سی

ایم)، کملا الیوماس (پی پی سی ایم)، کملا الیاس (پی پی سی ایم)، بھیما ویلادی (اے

سی ایم), رام جی عرف مورا لچھو پنگاٹی (اے سی ایم), سونو پوڈیم عرف اجے، پرکاش عرف

پانڈو پنگاٹی، سیتا عرف جینی ٹونڈے پالو اور سائیناتھ شنکر مادے (اے او بی دلَم)

اہم نام ہیں۔

اس تقریب

سے پہلے 15 اکتوبر 2025 کو بھوپتی عرف سونو ملوجولا وینوگوپال راؤ نے 61 نکسلی

ساتھیوں کے ہمراہ وزیر اعلیٰ دیویندر فڑنویس کی موجودگی میں ہتھیار ڈالے تھے۔ مقامی

ذرائع کا کہنا ہے کہ مسلسل خودسپردگیوں سے ڈنڈک جنگل میں ماؤنواز تنظیم کی طاقت

بُری طرح متاثر ہو رہی ہے۔

کمان

سنبھالتے ہوئے ڈی جی پی رشمی شکلا نے سی۔ 60 فورس کی اہم کامیابیوں کو سراہتے ہوئے

بہترین کارکردگی دکھانے والے افسران اور جوانوں کو اسناد سے نوازا۔ انہوں نے کہا

کہ نکسلیوں کا پرتشدد راستہ چھوڑ کر مرکزی دھارے میں آنا خوش آئند ہے اور باقی شدت

پسندوں کو بھی امن کی راہ اپنانے کی ترغیب دی۔

تقریب

کے دوران گڈچرولی پولیس کی جانب سے تیار کردہ معلوماتی کتاب ’’پروجیکٹ اڑان — ترقی

کا وژن‘‘ کی نقاب کشائی بھی کی گئی، جس کا مقصد دور دراز کے شہریوں تک سرکاری اسکیموں

کی معلومات کو بہتر طور پر پہنچانا ہے۔ اس موقع پر ایڈیشنل ڈائرکٹر جنرل ڈاکٹر شیرنگ

دورجے، ڈپٹی انسپکٹر جنرل انکیت گوئل، سی آر پی ایف کے ڈپٹی انسپکٹر جنرل اجے کمار

شرما سمیت کئی افسران و جوان موجود تھے۔

ہندوستھان

سماچار

ہندوستان سماچار / جاوید این اے