دہرادون، 9 نومبر (ہ س)۔ وزیر اعظم نریندر مودی ریاست اتراکھنڈ کے قیام کی سلور جوبلی تقریبات میں شرکت کے لیے انڈین فاریسٹ ریسرچ انسٹی ٹیوٹ، تقریب کے مقام پر پہنچ گئے ہیں۔ یہاں، وزیر اعظم نے اتراکھنڈ پویلین میں نمائش کا دورہ کیا اور بچوں سے ملاقات کی۔ وزیراعظم نے عوام سے براہ راست بات چیت بھی کی۔ اس کے بعد وہ مرکزی تقریب سے خطاب کریں گے۔ اس سے پہلے وزیر اعظم کسان فصل یوجنا کے تحت ریاست کے 28 ہزار کسانوں کے کھاتوں میں 62 کروڑ روپے کی رقم بھی جاری کریں گے۔ اس کے علاوہ وہ تقریباً 8,260 کروڑ روپے کی اسکیموں کا افتتاح اور سنگ بنیاد رکھیں گے۔ قبل ازیں وزیراعظم کی آمد پر گورنر گرمیت سنگھ، وزیراعلیٰ پشکر سنگھ دھامی اور مرکزی وزیر پردیپ ٹمٹا نے ان کا استقبال کیا۔

---------------

ہندوستان سماچار / عبدالسلام صدیقی