وارانسی، 8 نومبر (ہ س)۔ وزیر اعظم نریندر مودی نے آج صبح اپنے پارلیمانی حلقہ وارانسی کے بنارس (منڈوواڈیہ) ریلوے اسٹیشن کے پلیٹ فارم نمبر آٹھ سے چار وندے بھارت ٹرینوں کو ہری جھنڈی دکھائی اور بنارس سے کھجوراہو تک وندے بھارت ٹرین کو روانہ کیا۔ وارانسی کو ملنے والی یہ آٹھویں وندے بھارت ٹرین ہے۔ نئی وندے بھارت ایکسپریس ٹرینیں بنارس-کھجوراہو، لکھنو¿-سہارنپور، فیروز پور-دہلی اور ایرناکولم-بنگلور روٹس پر چلیں گی۔ اہم مقامات کے درمیان سفر کے وقت کو نمایاں طور پر کم کرکے، یہ ٹرینیں علاقائی نقل و حرکت میں اضافہ کریں گی، سیاحت کو فروغ دیں گی اور ملک بھر میں اقتصادی سرگرمیوں کو فروغ دیں گی۔

ان میں بنارس – کھجوراہو وندے بھارت ایکسپریس براہ راست رابطہ فراہم کرے گی۔ موجودہ خصوصی ٹرینوں کے مقابلے وندے بھارت ایکسپریس تقریباً 2 گھنٹے اور 40 منٹ بچائے گی۔ یہ ٹرین وارانسی، پریاگ راج اور چترکوٹ جیسے بڑے مذہبی اور ثقافتی مراکز کو جوڑے گی۔ اسی طرح لکھنو¿ – سہارنپور وندے بھارت ایکسپریس لکھنو¿ سے سہارنپور کا فاصلہ تقریباً 7:45 منٹ میں طے کرے گی۔ اس سے لکھنو¿، سیتا پور، شاہجہاں پور، بریلی، مرادآباد، بجنور اور سہارنپور کے مسافروں کو فائدہ ہوگا۔ اس سے روڑکی کے راستے ہریدوار کے سفر میں بھی سہولت ہوگی۔ فیروز پور – دہلی وندے بھارت ایکسپریس اپنے روٹ پر چلنے والی تیز ترین ٹرین ہوگی۔ اس سے دہلی اور پنجاب کے بڑے شہروں جیسے بھٹنڈہ اور پٹیالہ کے درمیان رابطہ مضبوط ہوگا۔ ایرناکولم – بنگلورو وندے بھارت ایکسپریس ایرناکولم سے 8 گھنٹے 40 منٹ میں بنگلورو پہنچے گی، جس سے مسافروں کا 2 گھنٹے سے زیادہ وقت بچ جائے گا۔

اس سے پہلے، اسٹیشن پہنچنے پر، وزیر اعظم مودی کا اتر پردیش کے وزیر اعلی یوگی آدتیہ ناتھ اور وزیر ریلوے اشونی وiشنو نے استقبال کیا۔ ریلوے کے وزیر اشونی ویشنو کے مطابق، سیمی ہائی اسپیڈ وندے بھارت کے اندر کا ماحول 99.9 فیصد خالص ہے۔ انٹیگریٹڈ کوچ فیکٹری میں ٹی-18 (وندے بھارت) ریک کو مزید جدید اور آرام دہ بنایا جا رہا ہے۔ اس نئے فیچر میں کئی جدید سہولیات ہوں گی۔ انہوں نے کہا کہ وندے بھارت ایکسپریس میں سفر کرنے میں لوگوں کی دلچسپی بڑھ رہی ہے۔

کھجوراہو جانے والی وندے بھارت ٹرین میں 520 اسکولی بچے، میڈیا پرسن اور دیگر مہمان سوار ہیں۔ انڈین ریلوے کیٹرنگ اینڈ ٹورازم کارپوریشن (آئی آر سی ٹی سی ) نے سفر کے دوران کیٹرنگ کے انتظامات کیے ہیں۔ وزیر اعظم مودی کے پروگرام کی وجہ سے بنارس اسٹیشن پر کچھ ٹرینوں کا شیڈول تبدیل کیا گیا ہے۔ بنارس-دہرا دون جنتا ایکسپریس، بنارس-ایل ٹی ٹی سپرفاسٹ ایکسپریس، بنارس-ما بیلہا دیوی دھام پرتاپ گڑھ اور بنارس-پریاگ راج رام باغ میمو ٹرینوں کو ری-شیڈول کے بارے میں معلومات نیشنل ٹرین انکوائری سسٹم (این ٹی ای ایس) پر دی گئی ہیں۔

ہندوستھان سماچار

ہندوستان سماچار / محمد شہزاد