جموں, 8 نومبر (ہ س)۔ ادھم پور پولیس نے منشیات کے خلاف جاری مہم کے دوران ایک اور منشیات فروش کو گرفتار کر لیا ہے۔ ملزم کے قبضے سے 3.10 گرام ہیروئن برآمد کی گئی۔ یہ گرفتاری پولیس کی جانب سے پکڑے گئے 162ویں منشیات فروش کے طور پر درج کی گئی ہے۔

اطلاعات کے مطابق تھانہ ادھمپور کی پولیس ٹیم ٹی سی پی دومیل اور بھرت نگر علاقے میں گشت پر تھی کہ سباش اسٹیڈیم کے قریب ایک مشتبہ شخص کو دیکھا گیا۔ پولیس نے جب اسے رکنے کا اشارہ کیا تو وہ فرار ہونے کی کوشش کرنے لگا، تاہم اسے فوری طور پر گرفتار کر لیا گیا۔

گرفتار شخص کی شناخت آدتیہ گپتا ولد نوین گپتا سکنہ آدرش کالونی ادھمپور کے طور پر ہوئی ہے۔ اس کے قبضے سے 3.10 گرام ہیروئن برآمد ہوئی۔ اس سلسلے میں تھانہ ادھمپور میں ایف آئی آر نمبر 386/2025 زیر دفعات 8/21/22 این ڈی پی ایس ایکٹ کے تحت مقدمہ درج کر کے تحقیقات شروع کر دی گئی ہیں۔

ہندوستھان سماچار

---------------

ہندوستان سماچار / محمد اصغر