پانی پت، 8 نومبر (ہ س):۔

پانی پت پولیس کے ذریعہ چلائے گئے ٹریک ڈاو¿ن آپریشن کے ایک حصے کے طور پر ہفتہ کی صبح تین بدمعاشوں کے ساتھ پولیس تصادم کے بعد ایک اہم کامیابی حاصل کی گئی۔ شاہ پور موڑ گاو¿ں میں پولیس تصادم کے دوران دو ملزمان کو ٹانگوں میں گولیاں لگیں۔ تینوں کو بعد میں گرفتار کر لیا گیا، اور دو زخمیوں کو علاج کے لیے پی جی آئی روہتک میں داخل کرایا گیا۔ پولیس نے جائے وقوعہ سے غیر قانونی اسلحہ اور گولہ بارود برآمد کرلیا۔ پولس کی جانچ میں پتہ چلا ہے کہ تینوں ملزمین نے اپنے ساتھیوں کے ساتھ مل کر 13 اکتوبر کی رات وکاس نگر علاقہ میں ایک مکان پر جان لیوا حملہ کیا تھا۔

اس واقعہ کے بعد انڈسٹریل سیکٹر-29 پولیس اسٹیشن میں مقدمہ درج کیا گیا تھا۔ پولیس سپرنٹنڈنٹ بھوپیندر سنگھ نے معاملے کو سنجیدگی سے لیا اور ملزم کی گرفتاری کے لیے خصوصی آپریشن کا حکم دیا۔ جس کے بعد سی آئی اے ون کے انچارج انسپکٹر وجے کی قیادت میں ایک خصوصی ٹیم تشکیل دی گئی۔ ہفتہ کی صبح پولیس کو اطلاع ملی کہ ملزمان شاہ پور روڈ سے گزرنے والے ہیں۔ اطلاع ملنے پر پولیس نے علاقے میں ناکہ بندی کر دی اور گاڑی کو رکنے کا اشارہ کیا۔ ملزمان نے پولیس ٹیم پر فائرنگ کردی۔ پولیس کے مطابق ملزمان نے تقریباً چار راو¿نڈ فائر کیے۔ جوابی کارروائی میں پولیس نے اپنے دفاع میں جوابی فائرنگ کی جس سے دو ملزمان کی ٹانگوں میں گولیاں لگیں جبکہ تیسرا فرار ہونے کی کوشش میں پکڑا گیا۔ پولیس سپرنٹنڈنٹ بھوپیندر سنگھ نے کہا کہ یہ آپریشن ٹریک ڈاو¿ن کے تحت پولیس کے لیے ایک بڑی کامیابی ہے۔ گرفتار ملزمان سے پوچھ گچھ جاری ہے، ان کے دیگر ساتھیوں کی تلاش کے لیے ٹیمیں تشکیل دے دی گئی ہیں۔

ہندوستھان سماچار

ہندوستان سماچار / عطاءاللہ