چنڈی گڑھ، 8 نومبر (ہ س)۔ الیکشن کمیشن آف انڈیا نے ایک شکایت پر کارروائی کرتے ہوئے ترن تارن کے ایس ایس پی ڈاکٹر روجوت کور گریوال کو معطل کر دیا ہے۔ ترن تارن میں ضمنی انتخاب کے لیے انتخابی مہم اس وقت زوروں پر ہے۔ ووٹنگ 11 نومبر کو ہوگی۔ ہفتہ کو کمیشن کی کارروائی پرہر طرف چرچا ہو رہی ہے۔

تقریباً دو ہفتے قبل شرومنی اکالی دل نے ایس ایس پی ڈاکٹر روجوت کور گریوال کے خلاف ریاست کے چیف الیکٹورل آفیسر سبن سی کے پاس شکایت درج کرائی تھی۔ شکایت میں ان پر اکالی دل کے کارکنوں کے خلاف جھوٹے کیس درج کرنے کا الزام لگایا گیا تھا۔

اکالی دل کے صدر سکھبیر بادل نے ڈاکٹر روجوت کور گریوال اور دو ڈی ایس پی کے تبادلے کا مطالبہ کیا تھا۔ خیال کیا جاتا ہے کہ یہ کارروائی ان شکایات کی روشنی میں کی گئی ہے۔ ہفتہ کو جاری کردہ احکامات کے مطابق امرتسر کے سی پی گرپریت سنگھ بھلر (آئی پی ایس) کو روجوت کور کی جگہ ایس ایس پی ترن تارن کی اضافی ذمہ داری دی گئی ہے۔

ہندوستھا ن سماچار

ہندوستان سماچار / محمد شہزاد