ٹھاکرے سے اتحاد کی صورت میں رشتہ ختم ، نارائن رانے کا شندے کوسخت انتباہ

سندھو

درگ، 8 نومبر (ہ س)۔ بی جے پی کے سینئر

لیڈر اور سابق مرکزی وزیر نارائن رانے نے ہفتہ کو کہا کہ اگر شیو سینا (شندے دھڑا)

نے شیو سینا (ٹھاکرے دھڑے) کے ساتھ بلدیاتی انتخابات میں اتحاد کرنے کی کوشش کی تو

بی جے پی ان سے تمام سیاسی تعلقات ختم کر دے گی۔

میڈیا

سے گفتگو کرتے ہوئے رانے نے کہا کہ اگر شندے گروپ نے ٹھاکرے دھڑے کے ساتھ

ہاتھ ملایا تو بی جے پی اس اتحاد کو فوراً ختم کر دے گی اور کونکن میں موجود بی

جے پی-شندے سینا اتحاد کا وجود باقی نہیں رہے گا۔

اطلاعات

کے مطابق شیو سینا کے دونوں دھڑوں کے درمیان ’’شہر وکاس اگھاڑی‘‘ کے بینر تلے بلدیاتی

انتخابات میں مشترکہ طور پر حصہ لینے پر غور ہو رہا ہے۔ ذرائع کے مطابق اس سلسلے میں

کنکاولی میں ایک خفیہ میٹنگ بھی منعقد کی گئی تھی۔

ادھو

ٹھاکرے پر نشانہ سادھتے ہوئے رانے نے کہا کہ وہ موجودہ حکومت پر تنقید ضرور کرتے ہیں

مگر عوام کو یاد رکھنا چاہیے کہ ان کے دور میں ممبئی کی حالت کس طرح تھی۔ رانے نے

کہا کہ ادھو ٹھاکرے نے اقتدار میں رہ کر عوامی بھلائی کے لیے کچھ نہیں کیا۔

رانے نے

مزید کہا کہ ٹھاکرے دھڑا تیزی سے عوامی حمایت کھو رہا ہے اور ادھو و راج ٹھاکرے

محض اپنے سیاسی وجود کو بچانے کے لیے اتحاد کی راہ تلاش کر رہے ہیں۔ انہوں نے طنزیہ

انداز میں کہا کہ ان میں سے کوئی بھی اقتدار میں واپسی کے قابل نہیں رہا۔‘‘

ہندوستھان

سماچار

--------------------

ہندوستان سماچار / جاوید این اے