کیرن سیکٹر میں سیکورٹی فورسز نے دراندازی کی کوشش کو ناکام بناتے ہوئے دو دہشت گردوں کو ہلاک کیا

کپواڑہ، 8 نومبر (ہ س)۔ کشمیر کے کپواڑہ ضلع کے کیرن سیکٹر میں سرحد پار سے دہشت گردوں کی دراندازی کی کوشش کو ناکام بناتے ہوئے سیکورٹی فورسز نے دو دہشت گردوں کو مار گرایا ہے۔ اس بات کی جانکاری فوجی حکام نے دی ہے۔ ایکس پوسٹ میں، چنار کور کی پندرہویں کور نے لکھا ہے کہ جاری ایک آپریشن میں سیکورٹی فورسز نے دو دہشت گردوں کو مار گرایا۔ علاقے کی تلاشی لی جا رہی ہے۔ یہ مشترکہ آپریشن دہشت گردوں کی جانب سے دراندازی کی منصوبہ بندی کے بارے میں ایجنسیوں سے مخصوص اطلاع موصول ہونے کے بعد شروع کیا گیا تھا۔ سپاہیوں نے مشتبہ نقل و حرکت دیکھی اور اندھا دھند فائرنگ کرنے کے بعد دراندازوں کو روک لیا۔ حکام نے بتایا کہ آپریشن جاری ہے۔ہندوستھان سماچار

ہندوستان سماچار / Aftab Ahmad Mir