سرینگر 8 نومبر، (ہ س): ۔ہفتہ کی صبح ایک معمولی واقعہ اس وقت پیش آیا جب ٹرین نمبر 74626 (بارہمولہ – بانہال سروس) کو جنوبی کشمیر کے بجبہاڑہ اور اننت ناگ ریلوے اسٹیشنوں کے درمیان سے گزرتے ہوئے ایک عقاب نے ٹکر مار دی۔سرکاری ذرائع نے بتایا کہ پرندہ ٹرین کی اگلی ونڈشیلڈ سے ٹکرا گیا جس سے لوکو پائلٹ کو معمولی چوٹیں آئیں جن کی شناخت وشال کے نام سے ہوئی ہے۔ زخمی پائلٹ کو اننت ناگ ریلوے اسٹیشن پر ابتدائی طبی امداد دی گئی اور اس کی حالت خطرے سے باہر بتائی جاتی ہے۔ ریلوے حکام نے پرندے کی ٹکر کے فوراً بعد ٹرین کو اننت ناگ اسٹیشن پر روک دیا تاکہ مسافروں کی حفاظت کو یقینی بنایا جا سکے اور مزید نقل و حرکت کی اجازت دینے سے پہلے انجن کا تفصیلی معائنہ کیا جا سکے۔ حکام نے کہا کہ تمام احتیاطی تدابیر پر عمل کیا گیا اور مسافروں کی حفاظت محکمہ ریلوے کی اولین ترجیح ہے۔ہندوستھان سماچار

ہندوستان سماچار / Aftab Ahmad Mir