ممبئی،

8 نومبر (ہ س)۔

مہاراشٹر کے وزیر اعلیٰ دیویندر

فڑنویس نے کہا ہے کہ پونے میں مبینہ زمین گھوٹالہ انتہائی سنگین نوعیت کا معاملہ

ہے اور حکومت اس کی مکمل اور غیر جانب دارانہ تحقیقات کر رہی ہے۔ انہوں نے اعلان کیا

کہ اس کیس میں کسی بھی فرد کو، چاہے وہ کتنا ہی بااثر کیوں نہ ہو، رعایت نہیں دی

جائے گی۔

فڑنویس

نے مزید کہا کہ اپوزیشن نے نائب وزیر اعلیٰ اجیت پوار کے بیٹے پارتھ پوار پر

الزامات لگائے ہیں، لیکن ان کے خلاف کوئی ایف آئی آر درج نہیں ہے۔ اس وقت سب سے

اہم بات یہ ہے کہ تحقیقات کا نتیجہ سامنے آنے دیا جائے۔

نائب وزیر

اعلیٰ اجیت پوار نے کہا کہ حکومت نے پہلے ہی زمین کے اس سودے کو منسوخ کر دیا ہے۔

میں واضح طور پر کہتا ہوں کہ حکومت نے تحقیقات کا حکم دیا ہے تاکہ تمام

حقائق عوام کے سامنے آئیں۔

دوسری

جانب، شرد پوار نے پربھنی میں بیان دیتے ہوئے کہا کہ اس معاملے پر عوام میں

بے اعتمادی پیدا ہو چکی ہے، اس لیے ضروری ہے کہ حکومت شفاف تحقیقات کرے اور حقائق

عام کرے تاکہ شبہات ختم ہوں۔

قابل

ذکر ہے کہ پونے کے کوریگاؤں علاقے میں 1,800 کروڑ روپے کی سرکاری زمین محض 300

کروڑ روپے میں فروخت کیے جانے کا الزام ہے۔ رپورٹ کے مطابق اس سودے پر 21 کروڑ

روپے کی متوقع اسٹامپ ڈیوٹی کے بجائے صرف 500 روپے وصول کیے گئے۔ وزیر اعلیٰ کے

احکامات پر دو سرکاری افسران کو معطل اور تین کے خلاف مقدمہ درج کیا گیا ہے۔ تحقیقات

اس وقت تیزی سے جاری ہیں۔

ہندوستھان سماچار

--------------------

ہندوستان سماچار / جاوید این اے